Ulug'bek Bakaev: "Avvalo guruhdan chiqib olaylik"

- O'yin haqida...

- Guvohi bo'lganingizday, o'z ambiciyalariga ega yoshlardan iborat raqibga qarshi maydonga tushdik. Bazi vaziyatlardan foydalana olmaganimizni hisoblamaganda, o'zimiz xohlagan natijaga erishdik. Keyingi o'yinlarda "Aral akamiya"ga omad yor bo'lsin. SHu bilan birga, yosh jamoa yorqin kelajakka erishishini tilayman.

- Bugun zaxira o'yinchilariga imkoniyat taqdim etildi. Mazkur bahsda qaysi futbolchi sizni hayratda qoldira oldi?

- Biz bir necha o'yinlar mobaynida maydonga tushmagan o'yinchilarga imkon berdik. Buning ham ijobiy tomonlari bor. Jamoada raqobat yuzaga kelishi uchun bundan unumli foydalanishimiz kerak. SHu bois, bugun maydonga tushgan yigitlarning o'yini manzur keldi.

- "Buxoro"ning asosiy maqsadi Superligaga yo'l olish hisoblanishini bilamiz. O'zbekiston kubogida ham jamoa qandaydir maqsadni ko'zlaganmi?

- Kubokda, avvalambor, guruhdan chiqishni uddalashimiz lozim. Bu minimal vazifa sanaladi. Pley-offga yo'l olgandan so'ng navbatdagi to'qnashuvlarga tayyorgarlik ko'ramiz.