2025 yil AQSHda o'tkaziladigan klublar o'rtasidagi jahon chempionatida ishtirok etadigan navbatdagi jamoalar nomi malum bo'ldi.
Evropa klublari uchun ajratilgan 12 ta kvotaning so'nggisi Avstriyaning "Zalcburg" jamoasiga nasib etdi.
Aslida ushbu yo'llanma joriy yilgi Evropa CHempionlar ligasi g'olibiga taqdim etilishi kerak edi, biroq musobaqa yarim finaliga yo'l olgan to'rt gigantning barchasi jahon chempionati yo'llanmasiga ega chiqib ulgurishgan. SHu bois, mazkur o'rin so'nggi to'rt yil ichida eng natija ko'rsatgan va hali mundialda ishtirok etmagan jamoaga taqdim etilishi ko'zda tutilgandi. Mamlakatlar bo'yicha taqsimlangan limitlar sabab Avstriya klubidan yuqoriroqda turgan bazi klublar Amerikaga bora olmaydi.
SHuningdek, Osiyo futbol konfederiyasidan Janubiy Koreyaning "Ulsan Xyonde" klubi qita jamoalari orasida eng yaxshi koefficientga ega bo'lgani sababli musobaqaga yo'l oladi. Yana bir chipta esa Osiyo CHempionlar ligasining joriy yilga g'olibiga tuhfa etiladi.
Bosh sahifaga
140