- O'zbekiston olimpiya terma jamoasi Osiyo kubogidagi o'z yurishini boshladi va dastlabki raqibni mag'lub etdi. Kechagi bo'lib o'tgan bahs haqidagi fikrlaringiz?
- Birinchi o'yinni g'alaba bilan boshladik, lekin biroz qiyin bo'ldi. Uch ochkoni qo'lga kiritdik, endi esa yurishimizni davom ettiramiz keyingi raqibga tayyorgarlik ko'rishimiz kerak.
- Guruhimizdagi raqiblar Vetnam va Quvayt terma jamoalari haqida nimalar deya olasiz? Pley-offning dastlabki bosqichida esa katta ehtimol bilan Saudiya Arabistoni va Iroq kabi kuchli terma jamoalarga to'qnash kelishimiz mumkin?
- Guruhimizdagi barcha jamoalarning o'yinini tahlil qilib o'rganib chiqdik. Raqiblarimizni kuchsiz jamoalar deb hisoblamayman. Osiyo kubogida kuchsiz jamoalar yo'q.
- Musobaqaning favoritlari kim deb o'ylaysiz? Qaysi terma jamoa O'zbekistonga muammo to'g'dirishi mumkin?
- Favorit va kuchli jamoa degan tushunchalar faqat gapda, amalda esa umuman boshqacha bo'lishi mumkin. Kattalar o'rtasidagi Osiyo Kubogida bunga guvoh bo'ldik. Favorit deya ko'rilgan top jamoalar chempion bo'la olmadi.
-SHu sababli barcha savollarga maydonda javob berish va hammasini maydonda isbotlash kerak.
- O'zbekiston olimpiya terma jamoasi guruh bosqichida har uch kunda o'yin o'tkazadi. Zich taqvim jismoniy holatga qanchalik tasir qilishi mumkin?
- Bundan oldingi Osiyo kubogi va Osiyo o'yinlarida ham bunday taqvimda o'ynadik. Bunday sharoitlarga tayyormiz deb o'ylayman. Olimpiyada yo'llanmasi beriladigan musobaqada qanday holatda bo'lishimizga qaramay natija ko'rsatishimiz kerak.
Bosh sahifaga
267