Avvalbor mavsum boshlangani bilan barchani tabriklayman. Mavsumni boshlash doim hayajonli bo'ladi. Bugungi uchrashuvda yaxshi tayyorgalik ko'rdik. Tezkor gol urganimizdan so'ng futbolchilar ustunlikni mehmonlarga berib qo'ydi. Birinchi bo'limda to'p bilan harakat qilishimizda muammolar paydo bo'ldi. "Lokomotiv"ning bir nechta tajribali futbolchilari bor va ular hisobni tenglashtirishga erishdilar. Ikkinchi bo'limga chiqishdan avval bugun muxlislar uchun o'ynashimiz kerakligi va ikki oy davomida bekorga tayyorgarlik ko'rmaganimizni isbotlashimiz kerakligini aytdim. Ikkinchi bo'limda AGMK futbolchilari raqiblariga qaraganda ancha yaxshi harakat qilishdi deb o'ylayman.
Bugungi bahsda AGMKning ikkita asosiy tarkib futbolchisi jarohat oldi. AGMKning keyingi raqiblari ham ancha kuchli. SHu boisdan ularning ahvoli haqida malumotga egamisiz?
Avval ham aytganman, biz shashka emas futbol o'ynaymiz. Statistikadan ko'rsa ham bo'ladi futbolda juda ko'p jarohatlar bo'ladi. Birinchi bo'limda ancha xavotirli vaziyat sodir bo'ldi. Sababi o'tgan yili beshta o'zgarish mumkin edi, bu yil esa yana uchtaga qaydi. Mavsum endi boshlandi va futbolchilarning jismoniy tayyorgarligi havotirga solayotgan edi. Mavsum davomida o'yinimiz kuchayib boradi. Jarohatga keladigan bo'lsak, Sardor oyog'idan kichik jarohat oldi. Botirali esa Qodirqulov bilan to'qnashib ketdi va malum vaqt xushini yo'qotdi. Ularni ertaga shifokorlar to'liq tekshirishadi va barchasi shundan so'ng hal bo'ladi.
Zafar Polvonovning o'yin so'nggida maydonga tushishi haqida nima deya olasiz?
Birinchi bo'limning o'zida ikkita majburiy o'zgarish amalga oshirdim. SHunga qaramasdan, futbolchilarim ikkinchi bo'limda ancha yaxshi harakat qilishdi. Uchrshuv so'nggida esa Aleksandr Kasyan oyog'ida biroz og'riq sezildi va shu sababli ham uni alishtirishga qaror qildik.
Bu mavsumda ko'p jamoalar chempionlikka davogarlik qilamiz deb aytishdi. AGMKning bu yilgi maqsadi qanday?
Hech kim maydonga mag'lub bo'laman deb tushmaydi. Bizning jamoaning ham maqsadimiz katta va shunga qarab harakat qilamiz. Bu mavsumda ko'plab yaxshi jamoalar bor. "Paxtakor"ni kuchsizlandi deb aytmagan bo'lardim. Ular hali ham kuchli. Biroq barcha jamoa g'alaba uchun harakat qiladi.
Bosh sahifaga
255