Video  Ro'ziqul Berdiev: "Guruhdan qaysi jamoa chiqishi masalasini hal qilish "Navbahor"ning qo'lida"

- O'yin haqida

- "Dinamo" va "Nasaf" to'qnashuvlari har doim shunaqa qiziqarli o'tsa kerak. Bugun ochiq futbol ko'rdik, vaziyatlar ko'p bo'ldi. Bu kubok uchrashuvlarining eng ochiq o'yini desak ham bo'ladi. 

Birinchi golimizdan so'ng Islom Kenjaboevda bo'lgan vaziyatlarni golga aylantira olganimizda vaziyat boshqacha bo'lardi. "Dinamo" bizdagi kamchiliklarni aniq topa oldi. Himoyadagi yo'qotishlar va darvozabonda o'yin amaliyoti kamligidan unumli foydalanishdi.

- Guruhdagi vaziyat haqida munosabatingiz?

- Hozir guruhda qaysi jamoaning keyingi bosqichga chiqishi masalasini hal qilish "Navbahor"ning qo'lida. Ular qaysi jamoani chiqishini istasa, shunday hal qilishi mumkin. Biz Vadim Abramov jamoasini bilardik, ular hujumkor va ochiq futbol namoyish etishadi. Samarqanddagi o'yinda ham shunday bo'lgandi. Bugun oson gollar o'tkazib yubordik.