- Ertaga bo'lib o'tadigan uchrashuv haqidagi fikrlaringiz? Vetnam jamoasini o'rganib chiqish ulgurdingizmi?
- Guruh bosqichidagi so'ngi uchrashuvga tayyorgarlik ko'rishda davom etmoqdamiz. Ertaga so'ngi mashg'ulotni o'tkazamiz. Eng asosiysi barcha o'yinchilar sog' salomat va hech qanday jarohatlar yo'q. Reja bo'yicha tayyorgarlik ko'rmoqdamiz. O'ylaymanki, ertangi uchrashuvga tayyormiz.
- Legionerlarimiz bugun terma jamoa ixtiyoriga etib kelishdi va tarkibimiz to'ldi. Siz istagan barcha futbolchilar jamoaga yordam bera olishadi, endi barchasini siz hoxlagandek bo'ldimi? Abduqodir va Abbosbeklar tarkibimizda bo'lishi siz uchun qanchalik katta ahamiyatga ega edi?
- Abduqodir va Abbosbek nafaqat olimpiya terma jamoasi va men uchun muhim futbolchilar, ular asosiy terma jamoada ham o'z o'rniga ega bo'lib ulgurishdi. Bunday futbolchilarning jamoamizga qo'shilganidan xursandmiz. Umid qilamanki, ikki legionerimiz ham jamoaga katta foyda keltiradi. Eng muhimi, ikki futbolchi sog' salomat holatda safimizga qo'shilishdi. Bugun to'liq tarkibni yig'dik va oldindagi eng asosiy o'yinlarga tayyorgarlik ko'ramiz. Oldimizga qo'ygan maqsadimiz bor va maqsadimizga erishishimiz kerak.
- Husanov va Fayzullaevni ertangi uchrashuvda maydonda ko'rishimiz mumkinmi yoki ularni chorak final bahsida ishtirok etish uchun zaxirada qoldirasizmi?
- Vaziyatga qarab ish tutamiz. Abduqodirni o'ynatsak kerak, sababi u o'z klubining so'ngi uchrashuvida ishtirok etmadi. Husanov o'zini yaxshi his etmoqda va unga imkoniyat berishimiz kera. Bugun mashg'ulotlarda holatini yana bir ko'rib chiqamiz va yakuniy qarorga kelamiz. Fayzullaevga esa ikkinchi bo'limda imkoniyat berishimiz mumkin. Rotaciya qilishda davom etamiz, sababi futbolilar har bir bahs avvalidan jismoniy holati yaxshi bo'lishi kerak.
Bosh sahifaga
216