Kecha Vetnam ustidan qozonilgan g'alaba turlicha taassurot qoldirdi.
Bir tomondan birinchi bo'limda yirik g'alaba va tanaffusdan keyingi sokin o'yin guvohiga aylandik. Kerakli natijani taminlanganidan so'ng suratni biroz pasaytirdik – chorak final uchun kuchni tejadik.
Boshqa tomondan, saudiyaliklar tribunada o'tirib, O'zbekiston olimpiya terma jamoasi qanday o'ynaganini o'z ko'zlari bilan ko'rishdi. Men Kapadzening qo'lida hech qanday kuzir qolmasligidan qo'rqyapman.
Ko'rinib turibdiki, barcha jamoalar navbatdagi o'yinga tayyorgarlik ko'rishmoqda, raqibni o'rganishmoqda. Ammo ularda ko'pincha tor doiradagi o'rganishlar – o'yin qurishning asosiy tamoyillari mavjud xolos. Kecha esa saudiyaliklar butun birinchi bo'limni o'zbek futbolchilarining qanday o'ynashini kuzatish bilan o'tkazdilar. Keyin ular yana qo'shimcha tayyorgarlik olib borishadi. Demak, bu kichik, ammo baribir ustunlik.
SHu bilan birga, Vetnamning yirik hisobda mag'lub etilishi Saudiya Arabistoniga psixologik bosim o'tkazishi mumkin. O'zbekiston hech kimdan qo'rqmasligi va pley-offda qulayroq raqibga tushish haqida o'ylab o'tirmasligini ko'rsatdi.
Vetnamliklar ikkinchi o'rinni egallab, Iroqqa raqib bo'ladigan bo'lishdi, bu ham albatta chakki emas. Timur Kapadze o'yindan keyingi matbuot anjumanida takidlaganidek, pley-off bosqichida kuchsiz raqib qolmadi. Sakkizta jamoadan faqat Indoneziya kuchsizroq ko'rinmoqda. Qolganlarning barchasi, u yoki bu tarzda, jiddiy raqib sanaladilar.
SHunday ekan, jamoamizning Vetnamni ishonchli ravishda mag'lub etishdan boshqa chorasi qolmadi. CHorak finalga kim qanday tayyorgarlik bilan etib boradi, buyog'ini endi bilib olamiz.
Nikolay Egorichev
Bosh sahifaga
242