"Bugun juda qiyin uchrashuv o'tkazdik va g'alaba qozondik. Ammo biroz kayfiyatim yo'q, sababi Janubiy Koreyani musobaqadan chiqarib yubordik. Deyarli ikki soat davom etgan uchrashuvda matonat ko'rsatdik. Musobaqadan avval bu jamoa yarim finalga qadar etib boradi deganimda hatto indoneziyalik jurnalistlar ham fikrimga biroz shubha bilan qaragandi. Biz jamoa sifatida o'z kuchimizga ishondik va yigitlarga biz finalgacha etib bora olishimizga ishontirdim. Futbolchilarda bo'lgan ishonch bugungi natijaga katta tasir o'tkazdi deb o'ylayman. Hozir tezroq tiklanib olishimiz kerak va ertaga o'z raqibimizni bilib olamiz. O'zbekiston va Saudiya Arabistoni uchrashuvini stadiondan kuzatib boraman. Saudiyaga qarshi musobaqadan avval o'yin o'tkazgan edik, ammo bunday darajada hali O'zbekiston bilan to'qnash kelmaganmiz. Indoneziya futbolida o'sishda davom etmoqda, biz reja qilgandek Olimpiada o'yinlari sari qadam tashlamoqdamiz. Iyun oyida esa asosiy terma jamoa bilan JCH saralashida ishtirok etamiz va maqsadimiz so'ngi ikkita bahsda yaxshi natija qayd etib, uchinchi bosqichga yo'l olish. Hozirgacha Indoneziya futbol federaciyasi bilan yangi shartnoma imzolaganim yo'q, ammo federaciya prezidenti muhokamaga chaqirgan edi" - deya fikr bildirdi Indoneziya olimpiya terma jamoasi bosh murabbiyi SHi Tae Yong Janubiya Koreya ustidan qozonilgan g'alabadan so'ng.
Bosh sahifaga
632