- O'yin haqida
- O'yin haqida hech nimani gapirishni xohlamayman. Keyingi bosqichga chiqish masalasini hal qildik. Keyingi uchrashuvlarga tayyorgarlik ko'rishimiz kerak. Ketma-ket ikki o'yindan buyon bir kishi kam bo'lib o'ynamoqdamiz. Yigitlarga rahmat matonat ko'rsatishmoqda. Biz kamchilikda yaxshiroq o'ynayapmiz.
- Jamoa ikkinchi bo'limda o'yinni o'zgartirdi. Jamoaning birinchi taymda sust o'yiniga nima sabab deb o'ylaysiz?
- Bilmayman. Bu o'tgan mavsumdan qolgan kasalimiz. Havo issiqlik qilayapti deydigan bo'lsam, ikki jamoa maydonda to'p tepishmoqda. "Paxtakor" yangilik kutish noto'g'ri, sababi o'tgan mavsumdagi tarkibimizdan faqatgina uch nafar futbolchi qoldi. Bu katta o'zgarishlar ro'y berayotganini anglatadi. Ikki oyda hammasini to'g'irlashning iloji yo'q.
- Baribir natija jamoa uchun gapiradi. Mana shunday natijalar fonida rahbariyat qandaydir keskin qarorga kelishi mumkinmi?
- Men bilmayman, borib rahbariyatdan so'rang. Mening jamoadagi kelajagim haqida so'rayapsizmi? Biz mavsum avvalidayoq o'zgarishga qo'l urilgani haqida elon qildik. Rahbariyat bunga rozi bo'ldi va vaqt berdi. Hozir maydonga chiqib barcha engib tashlash ilojsiz. Natijaga sekin astalik bilan erishamiz.
- "So'g'diyona"ga qarshi o'yinlarda "Paxtakor" markaziy himoya va yarim himoyadagi xatolari sabablar gol o'tkazib yuboryapti. Ushbu poziciyalarda muammolar bor deb o'ylaysizmi? Azmiddinov maydonga tushib, himoya markazini ushlab bera oldi.
- Azmiddinovni maydonga tushirishni hatto xayolimga ham keltirmayotgandim. SHahzod jarohatidan keyin endigina bir yarimta mashg'ulot o'tkazdi. Lekin uni maydonga tushirishga majbur bo'ldik. Olimpiyachilarimiz qaytib kelishdi, ammo ular biz charchadik va o'ynashga kuchimiz yo'q deyishdi. Olimpiyachilarimiz bunday holatga kelib qolishi uchun qanday mashg'ulot o'tkazishdi, men bilmayman to'g'risi. O'yin haqida qo'shimcha gapirish to'g'ri emas deb o'ylayman.
Bosh sahifaga
254