"Birinchi navbatda "Neftchi"ni va o'z jamoamni guruhdan chiqqani bilan tabriklayman. O'zbekiston kubogidagi ishtirokimizni davom ettirishimizdan xursandman. Ikkinchidan yaqinda chempionat doirasida ham ular bilan to'qnash kelgandik. O'yin qiziqarli ruhda o'tgandi. Afsuski so'nggi daqiqalarda gol o'tkazib yubordik. O'yinga kelsak, bugun durang o'ynadik. Bellashuvga ishlab chiqqan rejamiz bor edi. Uni amalga oshirishga harakat qildik. Umuman olganda oson bo'lgani yo'q",- deydi Vesko Steshevich.
- Birinchi bo'limda "Metallurg" yaxshi o'yin namoyish etdi. G'alaba uchun nima etishmadi?
- O'yin davomida xatolarga yo'l qo'ydik. Bilmadim u erda goldan avval qo'lga tekkanini aytishdi. Lekin buning aytishning o'rni emas. Bizda ko'p vaziyatlar bo'lmasligini bilardik. Raqib yuqoridan va jarima zarbalarida xavfli edi.
- Zabihillo O'rinboev qachon safga qaytadi?
- Unda tiklanish jarayoni ketmoqda. Kelasi hafta u Bekobodga keladi va tiklanishni davom ettiradi. Zabihilloning qaytishini intiqlik bilan kutmoqdamiz. Lekin to'liq sog'ayishini kutishimizga to'g'ri keladi.
Bosh sahifaga
1095