Unda O'FA qoshidagi futzalni rivojlantirish qo'mitasi rahbari Jahongir Usmonov ham ishtirok etdi.
Futzal bo'yicha Osiyo kubogi final uchrashuvi arafasida tashkil etilgan tadbirda qo'mita raisi Mehdi Taj final ishtirokchilarini tabrikladi. Tailand futbol associaciyasiga ajoyib mezbonlik va tashkilotchilik uchun minnatdorlik bildirdi.
Qo'mita 2025 yilda start oladigan futzal bo'yicha ayollar o'rtasidagi birinchi FIFA Jahon chempionatiga tayyorgarlik ko'rish maqsadida har to'rt yilda bir marta o'tkaziladigan OFK ayollar futzali bo'yicha Osiyo kubogi turnirining formati, musobaqa sanalari va reglamentini tasdiqladi.
2025 yilning 7-18-may kunlari bo'lib o'tishi rejalashtirilgan futzal bo'yicha ayollar o'rtasidagi Osiyo kubogi final bosqichida qitaning eng kuchli 12 terma jamoasi har biri to'rtta jamoadan iborat uchta guruhga bo'lingan holda ishtirok etadi. Guruhda dastlabki ikki o'rin egalari va ikkita eng yaxshi uchinchi o'rinni egallaganlar chorak finalga yo'l oladi.
Osiyo kubogida sovrindor bo'lgan 3 terma jamoa esa futzal bo'yicha ayollar o'rtasidagi ilk Jahon chempionatiga yo'llanma oladi. Qo'mita shuningdek OFK mamuriyatiga saralash o'yinlari formati va musobaqa sanalarini aniqlab berish vazifasini topshirdi. Ular qabul qilingan arizalar sonidan kelib chiqqan holda hal qilinadi va 2025-yilning yanvar oyida o'tkazilishi rejalashtirilgan. Yig'ilishida Osiyo futzalining rivojlanishiga tasir ko'rsatayotgan masalalar ham kun tartibiga qo'yildi.
Qo'mita azolari 2024 yilning 15-24-noyabr kunlari bo'lib o'tishi rejalashtirilgan sohil futboli bo'yicha Osiyo kubogining saralash o'yinlari formati va musobaqa sanalari to'g'risida fikr almashishdi.
Bundan tashqari, hakamlar, texnik va rivojlanishning asosiy yo'nalishlari bo'yicha amalga oshirilgan keng qamrovli tashabbuslar hamda dasturlar, jumladan, OFK futzal va sohil futboli bo'yicha murabbiylik kurslari, azo associaciyalarni rivojlantirish bo'yicha onlayn uchrashuvlar masalalari ham muhokama qilindi.
Bosh sahifaga
1338