"Men uchun birinchi Osiyo kubogi edi. Musobaqani yaxshi o'tkazdim deb o'ylayman. Keyingi turnirlarda bundan ham yaxshi natija ko'rsatishga harakat qilamiz. O'zbekistonning yuzi yorug' bo'lishi uchun bor kuchimizni ishga solamiz.
Yangi ispaniyalik murabbiy bilan yangi taktikalar ustida ishladik. Uning ko'rsatmalarini bajara oldik. Har qanday yangi murabbiyga moslashish uchun biroz vaqt kerak.
Penaltilar seriyasiga kelsak, Rustam Umarov kim qaerga tepishini yozib bergandilar. Bor gap shu. Jahon chempionatida ham xalqimizni xursand qilamiz",- deydi Abbos Elmurodov.