"Bunyodkor" akademiyasi tarbiyalanuvchilari Xorvatiyaga boradi

Bolalar va qizlar o'rtasidagi xalqaro turnirda bir nechta yosh toifasidagi 200 ga yaqin jamoa 3500 dan ziyod futbolchi qatnashadi. Ularning orasida "qaldirg'ochlar" ham borligi etiborga molik. Ahamiyatlisi, klub tarbiyalanuvchilari 2022 yil ilk bor mazkur xalqaro musobaqada qatnashgan va uchta yosh toifasidagi jamoalari yuqori natijalarni qayd etgan edi. Iyun oyining ilk kunlarida start oladigan  "Dalmatinko Cup" turnirida mamlakatimiz shanini Miraziz Mirzaahmedov (2011 yil) ustozligidagi "Bunyodkor" akademiyasi vakillari himoya qiladi. "Qaldirg'ochlar"ga guruhda "Genk" (Belgiya), "Hayduk" (Xorvatiya) va "Olimpiya"(Sloveniya) jamoalari raqiblik qiladi.