Ibrohimhalil Yo'ldoshev: "Xursandchilik o'tib ketdi. Hozir finalga tayyorgarlik ko'ryapmiz"

- Final haqidagi fikrlaringiz? Raqib – Yaponiya. Umuman, finalga tayyorgarlik qanday kechmoqda?

- Hammasi yaxshi. Tayyorgarlikni boshladik. Yaponiyaga haqida etarlicha malumot oldik. Bugungi nazariya darslarida ko'rdik, Yaponiya kuchli jamoa. O'ta tezkor, taktik tomonlama ham kuchli. Finalga shunga yarasha tayyorgarlik ko'ramiz. Qiyin o'yin bo'lmaydi deb o'ylayman. Har bir o'yin biz uchun muhim. Muxlislarimizni ishonchini qozonib, chempion bo'lishga harakat qilamiz. 

- Yarim finaldagi tarixiy natijadan keyingi eyforiya o'tib ketdimi? Finalga etiborni jamlash qanday kechmoqda?

- Olimpiadaga chiqishimiz katta baxt. Xursandchilik bo'lishi tabiiy. O'sha payt biz g'alabani nishonladik. Hozir esa keyingi o'yinga tayyorgarlik ko'rmoqdamiz. Xursandchilik o'tib ketdi.