"Avvalo, "Bunyodkor" klubi rahbariyati, murabbiylari, futbolchilari, xodimlari, muxlislari va shaxsan o'z nomimdan taniqli futbolchi Temurxo'ja Abduxoliqovning qizi vafoti munosabati bilan futbolchiga hamdardligimizni bildiraman.
Futbolda mavsumning ilk o'yini barcha jamoalar uchun og'ir o'tadi. Kecha boshlangan mavsumning dastlabki uchrashuvlarini ko'rib, bunga yana bir bor amin bo'ldik. Eng asosiysi – g'alaba. Biz buni uddaladik. SHu bois "Bunyodkor"ga aloqador barchani, xususan, muxlislarimizni tabriklayman.
Qaysi lavozimda ishlashimdan qati nazar jamoaning o'yiniga befarq bo'lmaganman. Kecha taqdimot marosimida ham aytib o'tgandim. Biz bir jamoamiz! Gap bosh murabbiy yoki boshqa lavozimda emas, hammamiz bir musht va jamoamiz! Albatta, debyut o'yinim omadli chiqdi. Allohga shukur!
O'rtoqlik uchrashuvlarida futbolchilarning holati boshqacharoq ko'ringan. Bugun ilk rasmiy o'yinda maydonga tushdik. O'yinchilarning harakatlarida farq bo'lishi tabiiy. CHunki mavsum endigina boshlandi. Istaysizmi-yo'qmi, futbolchilarda hayajon bo'ladi. O'yinchilarimizni nimalarga qodirligini yaxshi bilamiz. Ochilish o'yinida hammada hayajon bo'ladi, o'yindan o'yinga barchasi yaxshilanib boradi.
Goldan keyin "Bunyodkor" tempni pasaytirgani bois "Mashal" ustunlikni o'z qo'liga oldi. Markazda to'pni ko'p yo'qotdik.
"Bunyodkor"ni yana cho'qqiga olib chiqishga harakat qilamiz", – deydi SHuhrat Maqsudov.
Bosh sahifaga
314