U-23 Osiyo kubogi
Final
O'zbekiston - Yaponiya 0:1
Jassim bin Hamad nomidagi stadion. 20:30
Bosh hakam: Moud Bonyadifard (Eron)
Yordamchi hakamlar: Saed Ghasemi, Ildorim Alirizo (ikkisi – Eron)
Zaxira hakami: Abdulla Al Marri (Qatar)
Zaxira hakami yordamchisi: Zaxi Al SHammari (Qatar)
VAR: Evans Robert (Avstraliya)
AVAR: SHen Yinxao (Xitoy)
Gol: 0:1 — 90+1, Fuki Yamada.
O'zbekiston U-23: 1.Abduvohid Nematov, 2.Saidazamat Mirsaidov (3.Zafarmurod Abdirahmatov, 74), 5.Muhammadqodir Hamraliev, 6.Ibrohimhalil Yo'ldoshev, 10.Jasur Jaloliddinov (8.Ibrohim Ibragimov, 85), 17.Diyor Xolmatov (15.Umarali Rahmonaliev, 90+5), 18.Alibek Davronov, 19.Husayn Norchaev (11.Otabek Jo'raqo'ziev, 90+5), 20.Ruslan Jiyanov (9.Ulug'bek Hoshimov, 74), 22.Alisher Odilov, 23.Abdurauf Bo'riev.
Zaxira: 12.Vladimir Nazarov, 21.Hamidullo Abdunabiev, 13.Mahmud Mahamadjonov, 16.Asadbek Rahimjonov.
Yaponiya U-23: 1.Leo Kokubo, 4.Hiroki Sekine, 5.Seiji Kimura, 22.Kota Takai, 21.Ayumu Ohata, 8.Joel CHima Fujita, 7.Rihito Yamamoto (6.Sota Kavasaki, 72), 17.Kuryu Matsuki (13.Ryotaro Araki, 62), 9.SHota Fujio (20.YU Hirakava, 62), 19.Mao Hosoya, 10.Kein Sato (11.Fuki Yamada, 72).
Zaxira: 12.Taishi Brandon Nozava, 23.Taiki Yamada, 2.Riku Handa, 3.Ryuya Nishio, 15.Kaito Suzuki, 14.Satoshi Tanaka.
Ogohlantirish: SHota Fujio (7), Mao Hosoya (16), Seiji Kimura (75), Abduvohid Nematov (79), Zafarmurod Abdirahmatov (90+13)
MATNLI TRANSLYACIYA
YANGILASH
UCHRASHUV YAKUNLANDI! YAPONIYA CHEMPION! HAMYURTLARIMIZGA ESA TURNIRDAGI MUNOSIB ISHTIROK UCHUN MINNATDORCHILIK BILDIRAMIZ!
90+6. Ketma-ket hujumlarimiz samarasiz yakunlanmoqda.
90+10. Rahmonaliev penaltidan zarba yo'lladi... Keling, uning zarbasi tariflagandan ko'ra, ko'rmay qoldim, deb qo'yaqolganim maqulroq. Kattalar aynan Qatarda penaltilardan yutqazgandi, kichiklar... Nima bo'lgan taqdirda ham davom etamiz, bo'shashmaymiz, yigitlar.
90+9. Penalti belgilandi.
VAR bosh hakamni monitorga chorladi. Yaponiya darvozasiga penalti belgilanishi mumkin.
90+5. Yaponiya jarima maydonida to'p raqib himoyachisiga tekkandek ko'rindi. Hakam nuqta qaerda ekanligini unutib qo'ydi, shu bois, o'yin davom etadi.
90+1. GOL! Uchrashuv yakuni arafasida Fuki Yamada Yaponiyani hisobda oldinga olib chiqdi. Yuksak madaniyatimizni saqlagan holda ichimizda so'kinib qo'yaqolamiz.
90. Ikkinchi bo'limga bitta jamoa futbolchilari soniga teng daqiqa qo'shib berildi.
85. Termamiz tarkibida o'zgarish: Jaloliddinov o'rniga Ibragimov maydonga tushirildi.
81. Yaponiyalik hujumchi noaniq zarba berish bo'yicha qolganlarga master-klass o'tib berdi.
79. Nematovga sariq kartochka ko'rsatildi.
77. Nematov raqib futbolchisi bilan to'qnashib ketdi. SHifokorlar unga tibbiy yordam ko'rsatmoqda.
75. Birovga qo'l ko'tarish adolatdan emas, ammo futbol hakamining qo'l ko'tarishi adolat taminlanishiga xizmat qiladi. Kimura ogohluntirildi.
74. O'zbekiston tarkibida ikki o'zgarish: Mirsaidov va Jiyanov o'rniga Abdirahmatov va Hoshimov o'yinga qo'shildi.
73. Odilovning markazdan yo'llagan zarbasidan so'ng negadir poytaxtdagi yangi qurilayotgan uylarning narxi yodimga tushib ketdi.
72. Yaponiya tarkibida yana ikki o'zgarish ro'y berdi.
69. Dastlab Yaponiya, so'ngra O'zbekistonda xavfli vaziyat yuzaga keldi, ammo ularni yakunlashda hujumchilarimiz oqsadi.
65. Jiyanovning o'ng qanotdan uzatmasi zarbaga aylanib ketdi. Yaponiya darvozaboni qiyinchilik bilan to'pni qaytardi.
62. Yaponiya tarkibida ikki o'zgarish sodir bo'ldi.
59. O'zbekiston ketma-ket ikki xavfli vaziyat yuzaga keltirdi, ammo yakuniy zarbani yo'llaydigan futbolchi topilmadi.
57. Mezbonlar tomonidan zarba. Yaponiyalik hujumchi o'zining butsasini kiyishni unutib, ikki razmer katta butsa kiyib olganga o'xshaydi.
52. Yaponiyaliklar tepgan to'pni Nematovning qo'llaridagi magnit tortib oldi.
46. Ikkinchi bo'lim boshlandi. Umid qilamanki, ushbu bo'limni esnoq tutmasdan tomosha qilamiz.
Taym yakunlandi.
45+3. Hamyurtlarimiz burchak zarbasi amalga oshirmoqda. To'p havoda vaqti o'yinga oid statistikani qidirishga harakat qilib ko'raman.
45. Birinchi bo'limga 3 daqiqa qo'shib berildi.
44. Buyuk bobokalonimiz Mirzo Ulug'bek umri davomida 1018 yulduzni o'rgangan. Mirsaidov tepgan to'p orqali 1019-yulduzni kashf etish imkoniyatiga ega bo'ldik.
41. ZARBA! Jaloliddinovning tepgan to'pi raqib darvozasining to'siniga tegib, peshonasini g'urra qilib oldi.
40. Yaponiyalik futbolchi Odilovga nisbatan qoidabuzarlikni shunchalik aniqlik bilan amalga oshirdiki, hatto hakam ham bunga beetibor qaray olmadi.
38. Jiyanov tepgan to'p radarga tushishdan cho'chigan holda raqib posbonining qo'chog'iga yo'l oldi.
35. Xolmatov Norchaevga qiymati bitta pachka turadigan uzatma amalga oshirdi, raqib himoyachilari biroz epchillik qilishdi.
Zarbalar bo'yicha 5:1 hisobida oldinda ekanmiz.
28. Yaponiyalik futbolchi yigitlarimizning boshini changallaydigan zarba yo'llashiga bir bahya qoldi.
26. Yamomoto Xolmatovning shamoliga yiqilib tushdi.
22. Futbolchilar xuddi tajribali shaxmatchilar singari har bir qadamini, har bir pasini hisob-kitob qilib, bosh aylantiruvchi kombinaciyalar uyushitirishga urinmoqda.
To'p nazorati (foiz): 58-42, hamyurtlarimiz fodasiga.
16. Yaponiyaliklar raqib futbolchisini to'xtatib qolish kerak degani ko'rsatmani asl manosida tushungan ko'rinadi. Hakam Hosoyaga aslida qanday o'yin namoyish etish kerakligini cho'ntagidagi qog'ozi orqali tushuntirib qo'ydi.
13. Hamyurtlarimizning zarbasi tezligi xonamdagi router tezligi bilan bir xil bo'lgani uchun raqib posboniga qiyinchilik tug'dirmadi.
9. ZARBA! Norchaev raqib jarima maydoniga kirib bordi va zarba yo'lladi, biroz noaniq.
7. Hakam qo'lidagi sariq rangdagi kartochkasi bilan Fujioga qarab Ozodlik haykaliga taqlid qildi.
5. Birinchi fol. Aslida Hosoya raqibini quchoqlamoqchi edi. Faqat oyoqlari bilan.
2. O'yinning dastlabki daqiqasi o'tib bo'ldi. Ammo hisob haliyam 0:0.
1. Uchrashuv boshlandi! Hakam hushtagini chalishi bilan futbolchilar to'pni do'pposlay boshladi. Hamyurtlarimiz 90 va hakam tomonidan qo'shib berilgan daqiqalarda o'zimiz xohlagan natijaga erishadigan o'yin namoyish eta olsa bo'lgani. Qolgan daqiqalar raqib jamoaga sovg'a.
Harbiylar Timur Kapadze qo'l ostidagi O'zbekiston olimpiya terma jamoasiga finalda omad tiladi!
O'zbekiston olimpiya terma jamoasining stadionga etib kelishidan eksklyuziv kadrlar!
Assalomu alaykum, qadrli futbol ishqibozlari! Bugun 23 yoshgacha bo'lgan futbolchilar o'rtasidagi Osiyo kubogining hal qiluvchi uchrashuvini birgalikda kuzatib boramiz.
Bosh sahifaga
271