"Terma jamoada kayfiyat yaxshi, chunki oldimizga qo'yilgan vazifa Olimpiadaga chiqish edi. Ammo yigitlar chempionlikka ham erishishni xohlagandik. SHunaqa yuqori maqsad qo'yganimiz uchun ham Olimpiada yo'llanmasiga ishonchli tarzda ega chiqdik. Ko'rsatgan natijamizdan xursandmiz, chunki xalqimizga, vatanimizga va Prezidentimizga mana shunday quvonch bag'ishladik. Bundan faxrlanamiz. Ishlashda davom etamiz. Parijga ham yuqori maqsadlar ko'zlab vatanimiz shanini munosib himoya qilish uchun boramiz. U erdan ham yorug' yuz bilan qaytishga harakat qilamiz.
Finalda Yaponiyadan yaxshiroq harakat qildik, buni statistika ham ko'rsatib berdi. SHunchaki omad etishmadi desak bo'ladi. Jamoamga ishongan holda aytamanki kecha kuchli jamoa yutqazdi. Boshimizni tik ko'tarib tark etdik.
Taqdirlash marosimiga rahmatli do'stim Diyor Rahimqulovning surati tushirilgan formada chiqdim. Buni anchadan buyon niyat qilardim. Xudo xohlasa, Diyor uchun qachondir albatta chempion bo'lamiz", - dedi Jasur Jaloliddinov championat.asia saytiga.
 Japan U23 | AFC U23 Asian Cup Final Stage . Final-tur 03/05/2024, 20:30 0 : 1 Tugadi |  Uzbekistan U23 |
Bosh sahifaga
227