"Bugun ikkita kurashuvchan jamoa to'qnash keldi. Balki futbol sifati biroz pastroq bo'lgandir, ammo kurashga intilish yuqori darajada bo'ldi. Bugungi o'yin uchun yigitlarga rahmat aytaman, "Aral"ga keyingi o'yinlarda ham omad tilayman", - dedi Ulug'bek Bakaev.
- "Aral"dan qanday o'yin kutgandingiz?
- Jamoaning oldingi uchrashuvlarini o'rganib chiqqandik. Kuchli va kuchsiz tomonlarini bilardik. Tayyorlanishga vaqt kam edi, yo'l ham uzoq edi. Barchasini hisobga olsak durang adolatli natija bo'ldi.
- Bugun Vitaliy Denisov va Davron Hoshimov nima uchun zaxirada qoldirildi?
- Ikkala futbolchi ham jarohatdan keyin tiklanishmoqda. Rostini aytaman, ularni ayadik. Agar zarurat tug'ilib qolganida ularni maydonga tushirishimiz mumkin bo'lardi.
- Bugun o'z vaqtida kuchli o'yin ko'rsatgan ikki hujumchi Qutiboev va Bakaev jamoalari to'qnash keldi. Bugungi kunda nima uchun shunday hujumchilar yo'q?
- Bunga ko'plab faktorlar sabab. Mashg'ulotlardagi harakatlar, golni sezish, zarba berish va boshqalar. SHular ustida ko'proq ishlash kerak.
 Aral | Pro liga. 6-tur 03/05/2024, 17:30 0 : 0 Tugadi |  Buxoro |
Bosh sahifaga
281