Mazkur uchrashuvda nigeriyalik hujumchi Ibrohim Tomivaning yagona goli "Bunyodkor"ga kichik 1:0 hisobidagi g'alabani taqdim qildi. Ushbu uchrashuvdan so'ng Tomivaning goliga assistentlik qilgan qirg'izistonlik yarim himoyachi Odiljon Abdurahmonov saytimizga fikrlari bilan o'rtoqlashdi.
"Mavsumni g'alaba bilan boshlash yoqimli. Har qanday musobaqada birinchi o'yin doim qiyin bo'ladi. Nafaqat bizga, balki, qolgan ishtirokchi jamoalarga ham. Omad bizga kulib boqdi. O'z o'yinimizni yuz foiz ko'rsata olganimiz yo'q. Navbatdagi turlarda bir-birimizni yanada yaxshiroq tushunib, chiroyli o'yin ko'rsatishga harakat qilamiz.
To'g'ri, birinchi bo'limda o'yinimiz qovushmadi. Bu maydonda joriy yilda birinchi marotaba o'ynadik. Maydonni his qilib olishmiz uchun ham malum vaqt ketdi. Maydonga moslashib olganimizdan so'ng ikkinchi bo'limda rejalarimiz qisman ish berdi.
Goldan so'ng bir necha daqiqa himoyalanishimizga to'g'ri keldi. Keyin yana o'zimizga kelib oldik va oxirgi daqiqaga qadar kurashdik. Stadionga qo'llab-quvvatlash uchun kelgan muxlislarga rahmat aytib qolaman va g'alaba bilan tabriklayman",- deydi Abdurahmonov.
Bosh sahifaga
327