O'zbekiston terma jamoasi Yaponiya bilan o'yinni nima uchun bekor qildi? Rashidov chaqiriladimi? Vadim Abramovdan javob

"Tezkor Studiya"ning kechagi jonli efirida terma jamoamiz bosh murabbiyi Vadim Abramov yuqoridagi malumotlarga munosabatini bildirdi. 

"Toshkentda Iroq bilan o'ynashimiz aniq bo'lib ulgurgan. Agarda raqib topa olmasak, balki, ikkita o'yin o'tkazarmiz. Ha, Yaponiya bizni taklif qildi. Lekin, biz uzoq parvoz qilishimiz va uch kun karantinda o'tirishimiz kerak. Yana Toshkentga qaytishimiz ham bor. Bular ko'p vaqtni olib qo'yadi. Mart oyidagi yig'inga legionerlarni ham jalb qilishimiz mumkin. Masalan, Eldor SHomurodov to'g'ridan-to'g'ri kela olmaydi. Evropadan Toshkentgacha etti soatda etib keladi.  Sardor Rashidovni chaqirish masalasini o'ylab ko'ramiz. Oldinda yana ikkita tur bor, kuzatamiz",- deydi Abramov.