O'zaro uchrashuvlar tarixi
“Metallurg” hamda “Qizilqum” jamoalarining o'zaro to'qnashuvlariga nazar tashlaydigan bo'lsak, jamoalar bugungacha milliy chempionatimiz doirasida 48ta O'Yin o'tkazishgan. SHularning 18tasida “Metallurg” g'alaba qozongan bo'lsa, 12ta uchrashuvda durang qayd etilgan. 18ta o'yinda esa “Qizilqum”ning qo'li baland kelgan. Kiritilgan va o'tkazib yuborilgan to'plar farqi 62:61, “Metallurg” foydasiga. Bekobodliklar bu raqibni ikki marta 4:1 hisobida yutgan (2006, 2019). “Qizilqum” esa 2006 yili "Metallurg" darvozasiga javobsiz beshta to'p (0:5) kiritgan
Bekobodda mazkur jamoalar o'rtasida kechgan 24ta uchrashuvining 12tasida maydon egalari g'alaba qozongan. 6ta uchrashuvda durang qayd etilgan. 6ta bahsda Navoiyliklar qo'li baland kelgan. To'plar farqi – 41:26.
So'ngi to'qnashuvlar
13.08.2023 "Qizilqum" - "Metallurg" 0:2
Gollar: 77" G'ofurov, 90+3" Abdumannonov
19.03.2023 "Metallurg" - "Qizilqum" 1:0
Gollar: 58" G'ofurbekov
29.09.2022 "Qizilqum" - "Metallurg" 0:1
Gollar: 51" O'rinboev
06.05.2022 "Metallurg" - "Qizilqum" 1:1
Gollar: 26" Sattarov, 90+6" Azimov
27.11.2021 "Qizilqum" - "Metallurg" 1:3
Gollar: 11" Abdullaev, 36" Rahmatullaev, 64" Kuxianidze, 62" Sattarov
Navoiyda o'tgan oxirgi o'yindan highlights
Joriy mavsumdagi natijalar
Uchrashuvdagi nominal mezbon "Metallurg" jamoasi joriy mavsumda chempionatimiz doirasida 5ta uchrashuvda ishtirok etdi va hali g'alaba qozona olmadi. Dastlabki turda Toshkentning "Lokomotiv" jamoasiga qarshi kechgan uchrashuvda 2:2 hisobida durang qayd etishgan bo'lsa, ikkinchi turda "So'g'diyona"ga qarshi uchrashuvda nursiz durang qayd etildi. Uchinchi turda Farg'onaga safar qilgan Steshevich shogirdlari "Neftchi"ga 0:1 hisobida mag'lub bo'lishdi. "Dinamo"ga qarshi kechgan to'qnashuvda esa Bekobodliklar dastlab hisobda oldinga chiqib olishadi, ammo uchrashuvning so'ngi daqiqalarida o'tkazib yuborilgan gol tufayli 1:2 hisobidagi mag'lubiyatni qabul qilib olishadi. So'ngi turda esa "Metallurg" "Paxtakor"ga 3:4 hisobida mag'lubiyatga uchradi.
"Qizilqum" esa aksincha mavsumni ajoyib tarzda boshladi. Dastlab "Bunyodkor", keyin esa "Surxon" ustidan g'alaba qozonishdi. "Nasaf"ga qarshi kechgan uchinchi tur bahsida esa kichik 1:2 hisobida mag'lub bo'lishdi. "Lokomotiv"ga qarshi durang va "So'g'diyona"ga mag'lub bo'lgan Saidov shogirdlari, so'ngi turda o'z o'yida "Neftchi"ni qabul qilishdi va 1:1 hisobidagi durang natija qayd etishdi.
Hakamlar
O'zbekiston futbol hakamlari markazi bo'lajak uchrashuvga bosh hakam etib Firdavs Norsafarovni tayinlagan. VAR hakami sifatida esa Ahrol Risqullaev ishlaydi.
Metallurg — Qizilqum
11 may, 19:00
Bosh hakam: Firdavs Norsafarov
Yordamchi hakamlar: SHohnur Yo'ldoshev, Rishat Nugmanov
Zaxira hakam: Mamurjon Iljomov
VAR: Ahrol Risqullaev
AVAR: Aleksandr Sidorov
Nazoratchi: Baxtiyor Namozov
Komissar: Jahongir Rahmatullaev
Jamoalar libosi
Bugun jamoalar ushbu lisoblarda maydonda harakat qilishadi
Muallif taxmini
Bugungi uchrashuvda yaqqol favorit yo'qligi aniq, ammo "Qizilqum" futbolchilarining individual mahorati uchrashuv taqdirini hal etsa kerak. "Qizilqum"ning kichik hisobdagi g'alabasini tahmin qilaman.
Abdulvosit Bektemirov tayyyorladi
Bosh sahifaga
200