Bu bahsga ikki jamoa ham o'ta jiddiy yondashgani aniq. Xomyakov o'tgan uchrashuvda o'z o'yida mag'lubiyatga uchragan bo'lsa, Levchenkoning "Neftchi" jamoasi o'tgan mavsumdagidek duranglarni boshlab yubordi.
O'zaro o'yinlar tarixi
Navbatdagi to'qnashuv jamoalarning yubiley 50-o'yiniga aylanadi. Tarixdagi ilk vodiy derbisi 1992 yilning 7 may kuni bo'lib o'tgan. Farg'onadagi bahsda mezbon "Neftchi"ning qo'li baland kelgan, yakuniy hisob 2:0. Andijonliklarning ushbu "Neftchi" ustidan qozonilgan ilk g'alabasi 1995 yilda qayd etilgan. O'sha yilning 3 iyun kuni Andijondagi bahsda jamoamiz 2:0 hisobida g'alaba qozongan. Jamoalar O'zbekiston birinchiligi doirasida shu kungacha o'zaro 49 marotaba to'qnash kelishgan. 33ta uchrashuvda "Neftchi"ning qo'li baland kelgan bo'lsa, bor yo'g'i 10ta bahsda "burgutlar" g'alaba qozongan va 6ta uchrashuvda jamoalar murosa ko'chasini tanlashgan. O'zaro qarama-qarshilikda Andijon"ning eng yirik g'alabasi 3:1, "Neftchi"ning eng yirik g'alabasi 7:1 ko'rinishida qayd etilgan. Umumiy to'plar nisbati 95-43 farg'onaliklar foydasiga.
O'tgan mavsumda jamoalar ikki marotaba to'qnash kelishgan va ikki uchrashuv ham "Istiqlol" stadionida bo'lib o'tgan edi. Birinchi davra to'qnashuvi "Bobur Arena"da tamirlash ishlari olib borilayotgani tufayli Farg'onada o'tkazilgan edi. Uchrashuvda "Neftchi" Diyor Turopov va Nurillo To'xtasinovlarning gollari evaziga 2:0 hisobidagi ishonchli g'alabani qo'lga kiritgandi. Avgustda bo'lib o'tgan ikkinchi davra to'qnashuvida esa jamoalar murosa ko'chasini tanlashgandi. Uchrashuvda hisob ochilmagan, lekin o'yin juda qiziqarli kechgandi. "Neftchi" jamoasi urgan gol qanot hakamining xatosi tufayli bekor qilingan edi.
So'ngi o'yin
"Neftchi" – "Andijon" 0:0
31 avgust 2023 yil. Farg'ona. "Istiqlol" stadioni. 19:00
Bosh hakam: Akobirxo'ja SHukurillaev
Qanot hakamlari: Sardor Nishonboev, Jasur Rustamov
Zaxira hakami: Sultonmurod Abdurahmonov
Nazoratchi: Igor Nechoxin
Komissar: SHerzod Rajabov
"Neftchi": 12.Vladimir Nazarov, 2.Zoir Jo'raboev, 7.Umar Adhamzoda (5.Tomislav Mrchela, 80), 8.SHarof Muhitdinov, 13.Lutfulla To'raev (s) (24.G'ulom Haydar Gulyamov, 59), 19.Mirzohid G'ofurov (70.Abbosjon G'ulomov, 59), 20.Anvarjon G'ofurov, 21.Muhsinjon Ubaydullaev, 22.Giorgi Nikabadze (9.Ulug'bek Hoshimov, 69), 23.Diyorjon Turopov, 40.Bachana Arabuli (11.Izzatilla Abdullaev, 80).
Zaxira: 45.Akbar To'raev, 26.Oleysey Larin, 28.Fozil Musaev, 77.Biloljon Toshmirzaev,
"Andijon": 72.Igor Litovka, 5.Abduvohid G'ulomov, 9.Levan Arveladze, 10.Ilhomjon Abdug'aniev (13.Sardorbek Azimov, 61), 17.Farhodjon Sohibjonov, 21.Ildar Mamatkazin (s), 26.Muhammadkarim Toirov (8.Farxodbek Bekmuratov, 80), 28.Islombek Mamatkazin, 66.Ilhomjon Alijonov (15.Vladimir Bubanya, 61), 94.Armin Boshnyak (14.Abdurahmon Komilov, 80), 99.Rubin Xebay.
Zaxira: 1.Eldor Adhamov, 7.Boburbek Farhodov, 11.Sardor Abdunabiev, 19.Suhrob Berdiev, 22.SHahboz Erkinov.
Ogohlantirishlar: Giorgi Nikabadze (65), Sardorbek Azimov (65).
Etiboringizga, Farg'onada bo'lib o'tgan so'nggi besh uchrashuvning natijalarini havola qilamiz
31.08.2023.
"Neftchi"-"Andijon" 0:0
15.12.2020.
"Neftchi"-"Andijon" 1:3
19.08.2016.
"Neftchi"-"Andijon" 1:2
21.10.2015.
"Neftchi"-"Andijon" 0:1
07.11.2014.
"Neftchi"-"Andijon" 1:0
Joriy mavsumdagi natijalar
Bugungi uchrashuvdagi mezbon "Neftchi" sovrinli o'rinlarni maqsad qilgan. Mavsum startidan avval tarkibini ancha kuchaytirgan "Neftchi" mavsumni ajoyib tarzda boshladi. Birinchi turda "So'g'diyona"ni 2:1 va keyingi turlarda "Dinamo" va "Metallurg"ni bir hil 1:0 hisobida mag'lub etgan Levchenko jamoasi dastlabki uch turda 100 foizlik natija qayd etayotgandi. Biroq to'rtinchi turda "Olimpik" mehmoni bo'lgan farg'onaliklar so'ngi daqiqalarda gol o'tkazib yubordi va mavsumdagi ilk mag'lubiyatini qabul qilib oldi. Aprel oyining avvalida "Paxtakor"ga qarshi kechishi kerak bo'lgan uchrashuv liga tomonidan ko'chirilgandi. "Neftchi" so'ngi turda "Qizilqum" maydoniga safar qildi va so'ngi daqiqadagi o'tkazib yuborib, g'alabani qo'ldan chiqardi. Farg'onaliklar hozirgacha beshta to'qnashuvda 10 ochko to'plab, musobaqa jadvalining to'rtinchi o'rnini band etgan.
"Burgutlar" hozirga qadar bor yo'g'i bir marotaba mag'lubiyatga uchrashdi va musobaqa jadvalida peshqadamlik qilmoqda. Joriy mavsumning dastlabki uchrashuvida OKMKga qarshi kechgan uchrashuvda 0:0 hisobida durang qayd etgan andijonliklar, ikkinchi turda "Bobur Arena"da "qaldirg'och"larni 5:1 hisobida "yanchib" tashlashdi. Uchinchi turda "Surxon" ustidan 3:2 hisobida g'alaba qozonilgan bo'lsa, keyingi turda "Nasaf" bilan 1:1 hisobidagi durang qayd etildi. Beshinchi turda safarda "Lokomotiv" 2:1 hisobida taslim etildi. O'zbekiston kubogida "o'lim" guruhidan keyingi bosqichga chiqqan Xomyakov shogirdlari Superliganing so'ngi bahsida o'z o'yinda "So'g'diyona"ga 0:1 hisobida yutqazishdi va mavsumdagi ilk mag'lubiyati qayd etdi. "Andijon" Superligada 6ta uchrashuvda ishtirok etdi va 11 ochko bilan musobaqa jadvalida peshqadam.
O'zbekiston kubogidagi natijalar
Aprel oyida o'tkazilgan O'zbekiston kubogining guruh bosqichida "Neftchi" "G" guruhida ishtirok etdi. "Metallurg", "Do'stlik" va "Sirdaryo FA" jamoalari bilan bir guruhdan joy olgan farg'onaliklar yakunda guruhda ikkinchi o'rinni egallashdi va keyingi bosqichga yo'l olishdi. "Do'stlik"ni 2:0 va "Sirdaryo FA" jamoasini 5:1 hisobida taslim etgan "Neftchi", so'ngi turda "Metallurg" bilan 1:1 hisobidagi durang qayd etdi.
Andijonliklar O'zbekiston kubogida "o'lim" guruhidan joy olishgandi. "H" guruhida amaldagi kubok sohibi "Nasaf", ikki mavsum avval finalda ishtirok etgan "Navbahor" va Samarqandning "Dinamo" jamoalari bilan bir kvartetdan joy olgan "Andijon" 4 ochko to'pladi. To'rt ochko ikkinchi o'rin bilan keyingi bosqichga chiqishga etarli bo'ldi. "Dinamo" bilan jangovar 2:2 hisobidagi durangga imzo chekishdi. "Navbahor"ga qarshi uchrashuvda Xomyakov shogirdlari mag'lubiyatga uchrashdi, yakuniy hisob 1:2. So'ngi turdagi raqib amaldagi chempion "Nasaf" edi. 12480 muxlis ko'z oldida "Andijon" 90+8 daqiqada Bektemir Abdumannonovning goli evaziga g'alabani ilib ketdi.
Yo'qotishlar
Ettinchi turning markaziy uchrashuvida faqatgina bita yo'qotish bor. "Andijon" futbolchisi Sardor Azimov bugungi uchrashuv o'tkazib yuboradi.
Ekspert fikri
7-tur eksperti, O'zbekiston terma jamoasi sobiq futbolchisi Jafar Irismetov "Neftchi" - "Andijon" uchrashuvida jamoalarning imkoniyatini quyidagicha baholadi:
- "Neftchi" - "Andijon" qarama-qarshiligi turning markaziy to'qnashuvi. Bu erda ikki jamoa ham yil boshidan beri yaxshi o'yin ko'rsatib kelmoqda. Ammo ayni paytda jamoalarning imkoniyatlari teng. O'yinda durang natijasi qayd etilsa kerak. Uchrashuv 1:1 hisobi bilan yakunlansa kerak
Muallif taxmini
Ikki jamoa ham so'ngi turda omadsizlikka uchradi. "Neftchi" so'ngi soniyalarda uch ochkoni qo'ldan chiqardi. "Andijon" esa o'z o'yida "So'g'diyona"ga mag'lub bo'ldi. Jamoalarning o'zaro 50chi o'yini juda muhim. Ikki jamoa ham o'yin sifatini biroz chetga surib, avvalambor natija uchun maydonga chiqishadi. Xatolarga yo'l qo'ymaslik asosiy maqsad bo'ladigan bahsda jamoalar murosa ko'chasini tanlashadi.
Neftchi — Andijon
12 may, 19:00
Bosh hakam: Aziz Asimov
Yordamchi hakamlar: Oybek Kalaxo'jaev, Avaz Abdullaev
Zaxira hakami: Farrux Yansupov
VAR: Firdavs Norsafarov
AVAR: Maksim Nexochin
Nazoratchi: Mamumr Saidqosimov
Komissar: SHohruh Said
Bosh sahifaga
1066