"Vulverxempton" klubi VAR tizimini bekor qilin bo'yicha APL rahbariyatiga murojaat yo'llagandi. 6 iyun kuni APL rahbariyati, klublar va hakamlar qo'mitasi yig'ilish o'tkazadi va unda klublar bu tizimning kelajagi borasida ovoz berishadi.
Ushbu taklifni bergan "Vulverxempton" klubi bosh murabbiyi Gari O'Nil VARni bekor qilinishi kerakligi haqida fikr bildirdi.
"Hammaga malumki, ko'pgina klublarning, shu jumladan o'zimning ham VARning bu mavsumdagi qarorlaridan xafsalamiz pir bo'ldi.
Biz buni klub egasi bilan muhokama qildik. U ham bizga nisbatan bo'lgan qarorlardan norozi. VAR yildan yilga rivojlanishi kerak, ammo bunday bo'lmayapti. Bu narsa bizni xayron qoldirmoqda.
VAR futbolga kirganda men bu tizimga katta umid bog'lagandim. Hozirgi holatda esa VAR bekor qilinsa, juda xursand bo'laman.
O'ylashimcha, hali ham bu tizimni yaxshilash uchun imkoniyatlar bor. Agar hammasi o'z holicha qolsa, VARni bekor qilish kerak deb o'ylayman. Agar videotakrorlar qolsa, bu tizimda tom manodagi o'zgarishlar bo'lishi kerak", -deydi Gari O'Nil.
Bosh sahifaga
272