Teng kurashlar ostida kechgan o'yinda muborakliklar kichik hisobda mag'lubiyatga uchrashdi (0:1). "Gazchilar" ushbu uchrashuvda engilgan bo'lishsa-da, o'yin davomida bir nechta golli vaziyatlar yaratishdi. Biz esa mazkur bahsdan so'ng "Mashal" safida faol harakatlari bilan ajralib turgan Humoyun Murtozaevning fikrlari bilan qiziqdik.
- "Mashal" mavsumni "Bunyodkor"ga qarshi bahs bilan boshladi. Nima deb o'ylaysiz, chempionat starti arafasida murabbiy o'zgarishi o'z tasirini o'tkazdimi?
- Mavsumdagi birinchi uchrashuvimiz omadsiz o'tdi. Keyingi o'yinlarda yo'qotilgan ochkoni o'rnini to'ldirishga harakat qilamiz. Murabbiy o'zgarishiga kelsak, biz proffessional futbolchilarmiz, hamma narsaga tayyor turishimiz kerak.
- Odatda "Bunyodkor"ga qarshi safarda o'ynaydigan jamoalar ko'proq himoyaga etibor qaratishadi. "Mashal" esa goldan keyingina oldinga o'tishga intildi...
- Aytib o'tganimdek, mavsumdagi birinchi o'yin bo'lgani sababli o'z o'yinimizni yuz foiz ko'rsata olmadik. Navbatdagi uchrashuvlarda hujumkor o'yin ko'rsatamiz. CHunki g'alaba zarur. "Bunyodkor" o'z uyida to'p bilan juda yaxshi harakat qiladi.
- Ikki jamoaning o'z darajasida to'p tepa olmagani aldamchi holatmi yoki ko'p narsa tayyorgarlikka bog'liqmi?
- Menimcha ham shunday, dastlabki turlardagi natijalar aldamchi bo'lishi mumkin. O'yindan o'yinga kuchayib boramiz. Mavsumga yaxshi tayyorgarlik ko'rdik.
- Qishda sizga Osiyo klublaridan takliflar bo'lgani haqida eshitdik...
- Qishda ham, ayni paytda ham takliflar bor. Agar klubga foydam tegadigan bo'lsa, ketaman.
- Agarda sir bo'lmasa, qaysi chempionatlardan chorlovlar kelib tushdi?
- Sir bo'la qolsin.
- Jamoa ikkinchi turni Toshkentda "Paxtakor"ga qarshi o'tkazadi. Qura "Mashal"ga qiyin keldimi?
- "Paxtakor" kuchli jamoa. Lekin biz hech kimdan qo'rqmaymiz. Raqib kim ekanligi muhim emas. Maydonga faqat g'alaba qozonish maqsadida chiqamiz.
Abdulaziz Iskandarov
Bosh sahifaga
310