- O'yin haqida
- Ancha qiziqarli bahs guvohiga aylandik. Ikki jamoa ham yaxshi kurashdi. Birinchi taymda gol o'tkazib yubordik va shu sabab tanaffusdan so'ng ko'proq hujumga o'tishimiz kerak edi. Menimcha, biz raqibdan ko'ra ko'proq vaziyat yarata oldik. Uchrashuv durang bilan yakunlandi va bu adolatli natija bo'ldi deb o'ylayman.
- Ikkinchi bo'limda "Lokomotiv" jamoasining o'yini tubdan o'zgardi. Tanaffusda futbolchilarga nimalar dedingiz?
- Birinchi bo'limdagi xatolarimizni ko'rib chiqdik va ushbu xatolarni to'g'irlashimiz kerakligini aytdim. Tanaffusdan keyin ko'proq hujum qilishimiz kerakligini aytdim.
- "Surxon"da futbolchi va murabbiy bo'lib ham ishlagansiz. "Surxon" jamoasini yaxshi bilganingiz bugungi uchrashuvga tayyorgarlik ko'rishda qo'l keldimi?
- "Surxon" jamoasi uzoq vaqt faoliyat olib bordim. Hozirgi kunda "Surxon" safida to'p tepayotgan Asilbek Jumaev va bir nechta yosh futbolchilarni Termizdagi o'smirlar musobaqasida kashf etgan edik. Keyinchalik ularni yoshlar jamoasiga jalb etdik. O'zingiz ko'rib turibsiz, bugun Superligada "Surxon" sharafini himoya qilishmoqda. Surxondaryoda iqtidorli futbolchilar ko'p.
- "Lokomotiv" jamoasi o'tgan uchrashuvlarda jamoa ikkinchi bo'limni yomonroq o'tkazayotgan edi. Bugun esa jamoa butun o'yin davomida bir xil tempni ushlashga harakat qildi. O'tgan o'yinlarda bir bo'limdan so'ng temp tushib ketishiga nima sabab bo'lgan deb o'ylaysiz?
- Oldingi uchrashuvlarga biroz boshqacha tayyorgarlik ko'rayotgan edik. "Bunyodkor"dan keyingi uchrashuvdan so'ng bugungi o'yinga tayyorgarlik ko'rish uchun bor yo'g'i 4 kun vaqtimiz bor edi. O'yinga tayyorgarlik jarayoniga kichik o'zgartirish kiritdik. Balki shu sababdir. Mashg'ulotlarni o'zgartirdik. Bugun ikkinchi bo'limda namoyish etgan futbolimizni butun o'yin davomida ko'rsatishga harakat qilamiz. Hozirgi maqsadimiz shu.
- "Lokomotiv" jamoasining joriy mavsum bir taym yaxshi o'ynaydigan jamoa bo'lib qoldi. Bunga sabab nima deb o'ylaysiz? Ikkala bo'limni ham sifatli o'tkazishga nima etishmayapti?
- Mashg'ulot jarayonlariga o'zgartirish kiritib, ushbu muammoni to'g'irlashga harakat qilamiz. Birinchi bo'limda ham yomon o'ynamadik, ammo ikkinchi taymda o'yinimiz yaxshilandi. Bir xil darajada o'ynashga intilamiz.
- Jamoa hujumlarini yakunlaydigan futbolchi topilmayotgandek. Hujumchilar bugungi uchrashuvga qanchalik tayyor edilar?
- Biz murabbiylar shtabi bilan ushbu muammoni ko'rib chiqdik. Hujumchilar bilan alohida ishlab ko'rdik va natija sezildi. Ko'proq mehnat qilishimiz kerak. Rejamiz bo'yicha tayyorgarlik ko'rsak, gollar soni ko'payishi o'zini uzoq kuttirib qo'ymaydi.
- "Lokomotiv" jamoasi ketma-ket to'rt marotaba mag'lubiyatga uchradi. Ushbu omadsiz seriyadan so'ng jamoadagi ichki muhit qanday? Rahbariyat bilan gaplashib keyingi rejalarni aniqlab oldingizmi?
- "Bunyodkor"ga qarshi kechgan uchrashuvdan so'ng Aleksandr Stoymirovich jamoa bilan birga emas. Mashg'ulotlarda ham ishtirok etmayapti. Rahbariyat jamoani o'zim boshqarishim kerakligini aytdi. Hali boshqa mavzular bo'yicha gaplashmadik. Keyingi raqibimiz "Nasaf". Hozir faqat "Nasaf"ga qarshi kechadigan uchrashuv haqida o'ylamoqdamiz. Ichki muhit alo darajada. Faqatgina yomon natijalarni to'g'irlashimiz kerak. Jamoa muammo yo'q. Barcha o'z vazifasini yaxshi bajarmoqda.
- Demak Aleksandr Stoymirovich jamoadan rasman ketdimi?
- Ushbu savolga matbuot xizmatimiz javob bergani to'g'riroq bo'ladi.
- "Lokomotiv" jamoasi matbuot kotibi Hayrulla Holiqovning javobi
- "Bunyodkor"dan uchralgan mag'lubiyatdan so'ng serbiyalik mutaxassis Aleksandr Stoymirovich klub rahbariyati qaroriga ko'ra rasman ishdan bo'shatildi. Klub rahbariyati ushbu yangilikni rasman elon qilmaslikni so'radi. Biz klub xodimlari sifatida ushbu topshiriqni bajardik. Aleksandr Stoymirovich jamoa bilan birga emas va "Lokomotiv" jamoasiga hech qanday aloqasi yo'q. Mavsum avvalida rasman bosh murabbiy deya elon qilingan Yorqin Nazarov jamoaning bosh murabbiyi sifatida ishlab kelmoqda. Etiboringiz uchun rahmat.
Bosh sahifaga
227