Ushbu bahsdan avval O'FA media departamenti rahbari, taniqli sport sharhlovchisi Davron Fayzievning fikrlari bilan qiziqdik.
"Oxirgi paytlarda "Paxtakor" va "Nasaf" o'rtasidagi o'yinlar o'zbek futboli klassikasiga aylanib bormoqda. Kim nechanchi o'rindaligidan qatiy nazar, kim qanday formadaligidan qatiy nazar. O'zaro bahslar shiddatli va murosasiz o'tadi. Ayniqsa bitta o'yinda kubok egasi aniqlansa, xuddi bugungidek.
O'z navbatida etirof etish kerak, PFL bu o'yinga jiddiy tayyorgarlik ko'rmoqda. Intrigani oshirmoqda. Mediafaollik ikkala jamoani ham ruhlantirsa kerak. Stadionda ham muxlislar kam bo'lmasa kerak deb o'ylayman.
O'yinga keladigan bo'lsak, tarkib jihatidan ham, poziciya bo'yicha ham, tajriba bo'yicha ham (murabbiy tajribasi) "Nasaf" favorit hisoblanmoqda. Lekin, titil yutish uchun imkoniyat bo'lgani bois "Paxtakor" borini beradi deb o'ylayman. Qolaversa yaqinda o'tgan final o'yini "Paxtakor"ni ruhlantirishi mumkin: Angliya kubogi finali, "Siti" va "Yunayted" o'rtasidagi bahs. O'xshash holat, "Siti" mutlaq favorit edi, ammo MYU bitta o'yinga yaxshi tayyorlandi, taktikani to'g'ri tanladi va g'alaba qozondi. Menimcha "Paxtakor" autsayder poziciyasidan turib, ikkinchi raqam bo'lib o'ynab turib o'z imkoniyatlaridan foydalanish evaziga g'alaba qozonishi mumkin. "Nasaf" esa shunchaki o'z imkoniyatlari darajasida o'ynasa g'olib bo'ladi. Taxminimcha o'yin penaltilar seriyasiga borsa kerak. Seriyada har kim g'olib bo'lishi mumkin", - dedi Davron Fayziev championat.asia saytiga.
 Paxtakor | O'zbekiston Superkubogi. 1-tur 29/05/2024, 19:00 - : - Boshlanmadi |  Nasaf |
Bosh sahifaga
237