O'yin haqida
- Uchrashuvni yomon boshladik. Dastlabki 25 daqiqa davomida jamoamiz umuman o'ziga o'xshamadi. SHu vaqtga kelib jamoamiz ozroq jonlandi. Biroq, mezbonlar darvozamizga to'p kiritib, kiyinish xonasiga hisobda oldinda bo'lgan holda kirib ketishdi.
Ikkinchi bo'limda o'yinimiz kuchaydi, hujumlar tashkil etdik. Ammo, yuzaga kelgan imkoniyatlardan foydalana olmaganimiz mag'lubiyatga sabab bo'ldi.
- "Metallurg" odatda mavsumni yaxshi boshlar edi. Bu yili esa hozirgacha atigi 5 ochko jamg'ara oldi xolos. Buning sababi nimada?
- Albatta, bu haqiqat. Hozir bizning natijalarimiz hech kimni qoniqtirmaydi. Balki omad etishmayotgandir. Biz kamchiliklar ustida ishlab, natijalarimizni yaxshilash uchun harakat qilamiz.
- Bekobodlik muxlislarga aytar so'zingiz bormi?
- Men muxlislarni tushunaman. Bu kabi natijalar ularga yoqmasligi aniq. Bugun ham mag'lub bo'ldik. Natijalarimiz juda-juda yomon. Biroq, bu futbol va biz ishlashda davom etamiz. Oldindagi o'yinlarga jiddiy tayyorlanib, muxlislarimizga kutilgan g'alabalarni taqdim etmoqchimiz.
Bosh sahifaga
185