Terma jamoamizning bugungi mashg'ulotlarida hujumchimiz Eldor SHomurodov jurnalistlar savollariga javob berdi.
- O'zbekiston milliy terma jamoasi bugundan boshlab navbatdagi yig'inlarga kirishdi. Oldindagi uchrashuvlar haqidagi fikringiz.....
- Yig'inni boshladik. Barchaning kayfiyati alo darajada. Ko'pchilik futbolchilar o'z klublaridagi mavsumni yakunlab olishdi. Tatilga chiqishdan avval so'ngi ikkita uchrashuvimiz bizni kutib turibdi. Muddatdan avval keyingi bosqichiga chiqib olganimizga qaramay, biz guruhda birinchi o'rinni qo'lga kiritishni maqsad qilganmiz. Ikki uchrashuvda ijobiy natija qayd etish uchun borimizni beramiz.
- Evropada futbol mavsumi yakunlandi. Eldor SHomurodov yangi mavsumda qaysi klubda to'p tepadi?
- SHartnomamga ko'ra "Roma" jamoasiga qaytdim. Hali hech narsa aniq emas va keyingi rejalar haqida hech nima deya olmayman.
- Olimpiadaga borasizmi?
- CHaqirishsa, boraman (kuladi).
- Demak, Olimpiada o'yinlarida ishtirok etish istagingiz bor...
- Klubimdan javob olishim kerak. "Roma" roziliik berishi kerak. Men uchun vatan shanini himoya qilish har doim sharaf.
- Bo'lajak raqiblarimiz Turkmaniston va Eron haqida gapirib o'tsangiz... Turkmaniston terma jamoasi deyarli ikki haftadan beri Antaliyada o'quv-yig'in mashg'ulotlarini o'tkazmoqda. Eron esa qanday jamoa ekanligini juda yaxshi bilamiz...
- Turkmanistonga ochko kerak. Ular bor kuchini ishga soladi. O'z o'yimizda g'alaba qozonishimiz shart. Eronga qarshi o'ziga hos derbi bo'ladi va ushbu o'yin guruh g'olibini aniqlab beradi.
- Eronga qarshi kechgan Toshkentdagi so'ngi uchrashuvni juda yaxshi eslaymiz. Qiziqarli kechgan uchrashuvda durang qayd etilgandi. O'sha uchrashuvda muxlislarimiz stadionni to'ldirishgan va o'z uyimizdagi devorlar bizga yaxshigina yordam bergan edi. Tehrondagi "Ozodiy" stadionining bosimi bizga qanchalik tasir qilishi mumkin?
- "Ozodiy" stadionida bir marotaba o'ynaganman, ammo hozirgi kunda barchasi o'zgargan. Eng muhimi, ijobiy natija qayd etish. Qolgan faktorlarga etibor bermaymiz.
Bosh sahifaga
231