Pro-liganing 11-turidan o'rin olgan "SHo'rtan" - "Mashal" (2:1) uchrashuvidan so'ng mehmonlar bosh murabbiyi Asror Aliqulov o'z fikrlarini bildirib o'tdi.
O'yin haqida
- Og'ir o'yin bo'ldi. Birinchi bo'limda futbolchilar reja va aniq maqsad ostida harakat qilishdi. Biroq, ikkinchi bo'lim boshqacha o'tdi. O'yin davomida provakaciyalarga uchradik. Hakam ham ko'p jihatlarda jarayonga yo'l qo'yib berdi. Ikkita qizil kartochka bugungi mag'lubiyatimizga sabab bo'ldi.
- Ikkita qizil kartochka jamoadagi tartib-intizom borasidagi muammomi yoki hakamning saviyasizligi?
- Jasur Xolto'raev ko'p vaziyatlarda tirsakni ishga soldi. Bunda oxir-oqibat futbolchilarimiz asablarini jilovlay olishmadi. Futbolchi har qanday holatda ham o'zingizni bosa bilishingiz kerak. Biz bugun aytib o'tganimdek, provakaciyaga uchradik. Boshqa ilojimiz yo'q, ikkita chetlatish o'rnini to'ldirgan holda navbatdagi o'yinlarga tayyorgarlikka kirishamiz.
Bosh sahifaga
204