O'zbekiston futbol hakamlari markazi tur yakunlariga ko'ra, Ekspert-hakamlar komissiyasining navbatdagi yig'ilishini o'tkazdi va tur doirasida kuzatilgan bahsli vaziyatlar tahlil qilindi. 10-tur doirasida o'tkazilgan o'yinlarda jami 8 ta bahsli vaziyat yuzaga keldi.
SHuningdek, Pro liga doirasidagi bitta vaziyat ham Ekspert-hakamlar komissiyasi nazaridan chetda qolmadi.
Quyida ularning batafsil izohi va chiqarilgan yakuniy qarorlar bilan tanishishingiz mumkin.
1-vaziyat: "Dinamo" - "Qizilqum" to'qnashuvi: mezbonlarning goli.
"Dinamo" - "Qizilqum" bellashuvining 70-daqiqasida samarqandliklar o'zining uchinchi golini kiritdi, ammo bu vaziyatda yordamchi hakam o'yindan tashqari holat borligini qayd etdi va bosh hakam Doston Mirzaraimov golni inobatga olmadi.
Ekspert-hakamlar komissiyasi qarori: Bu holatda mezbon jamoaning ofasaydda turgan 10-raqamli futbolchisi J.Kojo garchi to'pga ega chiqmagan bo'lsa ham to'p uchun harakat qilgan. Bu orqali hujumchi himoyachini chalg'itgan. Ekspert-hakamlar komissiyasi referining qarorini to'g'ri, deb hisoblaydi.
2-vaziyat: "Dinamo" - "Qizilqum" o'yini: bahsli 11 metrlik jarima zarbasi.
"Dinamo" - "Qizilqum" uchrashuvining 45+1-daqiqasida maydon egalarining 21-raqamli futbolchisi A. Hojimirzaev hujum qilayotgan vaqtda mehmonlarning 23-raqamli S. SHukurillaevga to'qnash keldi. So'ng raqibini aldashga uringan samarqandliklar vakili raqib jarima maydonida yiqilib tushdi. Bosh hakam Doston Mirzaraimov dastlab futbolchini o'rnidan turishga chorladi, ammo VAR orqali holat tahlil qilinganidan so'ng nuqtaga ishora qildi.
Ekspert-hakamlar komissiyasi qarori: Bu vaziyatda himoyachi to'p uchun harakat qilishda kechikkan hamda raqibining oyog'idan chalib qolgan. SHular sababli penalti belgilash uchun asos etarli. Ekspert-hakamlar komissiyasi hakamning qarori to'g'ri ekanini malum qiladi.
3-vaziyat. "Navbahor" - "Olimpik" o'yini: sariq kartochka.
"Navbahor" - "Olimpik" bahsining 90+4-daqiqasida mehmonlarning 23-raqamli futbolchisi A. Bo'riev raqib futbolchisini ortdan to'xtatib qoldi. Bosh hakam Rahimbek Karimov bu vaziyatda yarim himoyachiga sariq kartochka ko'rsatgan.
Ekspert-hakamlar komissiyasi qarori: Ushbu holatda futbolchi qulay vaziyatga chiqib borayotgan raqibini qoida buzish orqali to'xtatdi va namanganliklarning istiqbolli hujumini yo'qqa chiqardi. Bu kabi hollarda fol qayd etgan futbolchi ogohlantirilishi lozim. Hakamning sariq kartochka bo'yicha chiqargan qarori to'g'ri, deb topildi.
4-vaziyat. "Navbahor" - "Olimpik" bellashuvi: bahsli to'qnashuv.
"Navbahor" - "Olimpik" o'yinining 90+5-daqiqasida namanganliklarning 7-raqamli azosi A. Ahmedov mehmonlarning 64-raqamli vakili S. Qodirovning yuziga tirsagi bilan zarba berdi. Bosh hakam Rahimbek Karimov bu vaziyatda futbolchiga hech qanday kartochka ko'rsatmadi.
Ekspert-hakamlar komissiyasi qarori: Bu holatda futbolchi to'p uchun harakat qilmagan. Qo'shimchasiga, u raqibining yuziga ochiqchasiga zarba bergan. Bu kabi vaziyatda futbolchi hakam tomonidan ogohlantirilshi lozim edi. Ekspert-hakamlar komissiyasi referining qarorini noto'g'ri, deb hisoblaydi.
5-vaziyat. "Navbahor" - "Olimpik" bahsi: ikkinchi sariq kartochka.
"Navbahor" - "Olimpik" uchrashuvining 90+10-daqiqasida toshkentliklarning sal oldinroq sariq kartochka olgan 23-raqamli futbolchisi A. Bo'riev yana fol qayd etdi. Bosh hakam Rahimbek Karimov uni ikkinchi bor ogohlantirdi va maydondan chetlatdi.
Ekspert-hakamlar komissiyasi qarori: Bu vaziyatda futbolchi to'p uchun harakat qildi, ammo ulgurmadi. SHunga qaramay, mezbonlar vakili fol qayd etilmagan taqdirda ham o'ta qulay imkoniyatga ega chiqmasdi. SHu sababli, vaziyat ikkinchi sariq kartochka uchun etarli emas. Ekspert-hakamlar komissiyasi hakamning qarori noto'g'ri bo'lganini malum qiladi.
6-vaziyat: Pro liga, "Xorazm" - "Buxoro" to'qnashuvi: qizil kartochka.
"Xorazm" - "Buxoro" uchrashuvining 77-daqiqasida mezbonlarning 88-raqamli azosi A. Xo'sinov ortdan raqib futbolchisining bel qismiga zarba berdi. Bosh hakam Ravshan Abduvohidov bu vaziyatda futbolchiga darhol qizil kartochka ko'rsatdi.
Ekspert-hakamlar komissiyasi qarori: Mazkur holatda futbolchi mehmonlar vakilining beliga mushti bilan zarba bergan va bunday hollarda to'g'ridan-to'g'ri qizil kartochka ko'rsatish uchun asos mavjud. Ekspert-hakamlar komissiyasi hakamning qarorini to'g'ri, deb hisoblaydi.
7-vaziyat. "Nasaf" - "Lokomotiv" qarama-qarshiligi: bahsli penalti.
"Nasaf" - "Lokomotiv" uchrashuvining 44-daqiqasida mehmonlar burchak zarbasi tepish huquqiga ega bo'ldi. Qarshiliklar jarima maydonida paydo bo'lgan 17-raqamli S. Tursunovning zarbasidan so'ng to'p himoyalanayotgan 7-raqamli A. Mozgovoyning qo'liga tegdi, deb hisoblandi va penalti belgilandi. Bosh hakam G'ayrat Jo'raev "Nasaf" vakiliga sariq kartochka ko'rsatdi. Lekin VAR tekshiruvidan so'ng kartochka va penalti qarorini bekor qildi.
Ekspert-hakamlar komissiyasi qarori: Bu vaziyatda to'p futbolchining elka qismiga tegib, yo'nalishini o'zgartirgan. Elka esa to'pga tegish mumkin bo'lgan tana azosi hisoblanadi. SHu sababdan, Ekspert-hakamlar komissiyasi hakamning qarori to'g'ri ekanini malum qiladi.
8-vaziyat. "Nasaf" - "Lokomotiv" o'yini: bahsli 11 metrlik jarima zarbasi.
"Nasaf" - "Lokomotiv" bahsining 70-daqiqasida mehmonlarning 7-raqamli futbolchisi S. Abdunabiev raqib jarima maydonida mezbonlarning 6-raqamli vakili M. Rahmatov bilan to'p uchun kurashga qo'shildi va yiqilib tushdi. Bosh hakam G'ayrat Jo'raev bu vaziyatda o'yinni davom ettirdi. Biroq keyin VAR hakami uni monitor yoniga chaqirdi va referi penalti belgiladi.
Ekspert-hakamlar komissiyasi qarori: Ushbu holatda hujumchi ham, himoyachi ham to'p uchun kurash olib borgan. 11 metrlik jarima zarbasi belgilash uchun asos etarli emas. SHu tufayli, VAR hakami bosh hakamni monitor yoniga chaqirishi kerak emas edi va G'ayrat Jo'raev penaltini noto'g'ri belgilagan.
9-vaziyat. "Andijon" - "Paxtakor" to'qnashuvi: ehtimoliy penalti.
"Andijon" - "Paxtakor" bellashuvining 61-daqiqasida maydon egalari xavfli hujum tashkil qildi. Dastlab 77-raqamdagi R. Turdimurodov darvoza tomon zarba berdi, qaytgan to'pga esa ikki jamoa futbolchilari kurash olib borishdi va mezbonlar vakili boshiga zarba qabul qilib oldi. Bosh hakam SHavkat Nasibullaev bu vaziyatda birinchi penalti belgiladi. Lekin VAR orqali jarayon tahlil qilingach, u qarorini o'zgartirdi hamda bahsni davom ettirdi.
Ekspert-hakamlar komissiyasi qarori: Bu holatda dastlab darvoza tomon zarba bergan R. Turdimurodov o'yindan tashqari holatda qolib ketgan. SHu bois, ofsayddan keyingi qoida buzilishi o'z ahamiyatini yo'qotadi. Ekspert-hakamlar komissiyasi referining qarorini to'g'ri, deb hisoblaydi.
Bosh sahifaga
150