Roysning "Borussiya" bilan shartnomasi 30 iyun kuni tugaydi va u 12 yillik faoliyatidan so'ng Bundesligani tark etadi.
Ro'yxatda Saudiya Arabistoni va "Manchester Yunayted"dan takliflar bo'lgan bo'lsa-da, 35 yoshli futbolchining keyingi manzili MLS bo'lishi kutilmoqda, unga ko'plab klublar qiziqish bildirmoqda.
Jurnalist Sezar Luis Merloning so'zlariga ko'ra, Roys "Los Anjeles Gelaksi" bilan bir yilga uzaytirish varianti asnosida 2025 yilgacha shartnoma imzolaydi.
"Gelaksi" yarim himoyachini erkin agent sifatida o'z qo'shib olayotgan bo'lishiga qaramay, ligada ishtirok etuvchi "SHarlotta" klubiga pul to'lashi kerak bo'ladi.
The Athletic nashri xabariga ko'ra, "SHarlotta" "kashfiyotlik huquqi"ni qo'lga kiritganidan so'ng Roys bilan muzokaralarga kirishgan.
Ligadagi har bir jamoa o'z kashfiyoti ro'yxatida ko'pi bilan etti nafar futbolchiga ega bo'lishi mumkin.
Bu shuni anglatadiki, jamoalar o'zlarining yangi transferini "kashf qilgan" klubga, shu jumladan, Roysga pul to'lashlari kerak.
Garchi Roysning bu jamoaga hech qanday aloqasi bo'lmasa-da, "SHarlotta" ligadagi qoida tufayli 350 000 dollarni qo'lga kiritadi.
Bosh sahifaga
150