– Uchrashuv haqida fikringiz?
– Malini imkoniyatlarini ko'rish varianti bor edi. Birinchi o'yinni o'ynadik. Bu jamoa haqida malumot yig'ish biroz qiyin bo'ldi. Faqat Yaponiya bilan o'ynashgan ekan. Kuchi va imkoniyatlari ko'rinib turibdi. Bugungi o'yin biz uchun qiziq bo'ldi. Yigitlar yaxshi harakat qilishdi. Bu o'yin har taraflama biz uchun foydali bo'ldi. Osiyo jamoalarini yaxshi bilamiz. Evropa va Afrika jamoalarini esa unchalik ham yaxshi bilmaymiz. Bugungi o'yin qaerda kamchiligimiz va ustun jihatlarimiz borligini ko'rdik. Afrika jamoalari doim jismonan kuchli bo'lgan. Bu o'yinda bizning kuchli jihatlarimiz ham ko'rinib turibdi. Olimpiya o'yinlarida bunday raqiblar duch kelishi aniq.
– Bugungi o'yinda VAR bo'lishi kimning tashabbusi?
– Biz ham bugun bildik. Tizim yaxshi ishladi. VAR aralashgan birgina vaziyat bo'ldi. Bular baribir ikkinchi darajali narsalar. Asosiysi, bugun deyarli barcha futbolchilarga imkoniyat berdim. Zaxiradagilarni ham ko'rishni istadim. Bizda bor o'yinchilar maydonga tushishdi, ular o'zlarini ko'rsatishga harakat qilishdi.
– 15 iyul kuni Evropa vakiliga qarshi o'ynaymizmi?
– Menimcha, yo'q. Bo'lajak raqib lotin Amerikasidan bo'lishi kutilmoqda. Buni vaqt ko'rsatadi. O'yindan muxlislar ham yaxshi taassurot olishdi deb o'ylayman. Kamchiliklar bo'ldi, umuman olganda yaxshi harakat qildik.
Bosh sahifaga
131