"2016 yilgi Osiyo kubogida Iroqni engach, men o'zimni dunyoning eng baxtli insoni sifatida his qilganim yodimda. CHunki bu g'alaba bizning shuncha yillik mehnatimiz va orzumiz sanalgan Jahon chempionati yo'llanmasini taqdim etgan edi. CHunki biz necha yillar davomida kuchlilar sifatida etirof etilsakda, bu yo'llanmani qo'lga kirita olmayotgan edik. Bu biz uchun juda katta yutuq bo'lgan. Ayniqsa men uchun. CHunki uzoq muddatli tiklanishdan so'ng futzalga qaytgan paytlarim edi. Bu uzoq muddatli tayyorgarlik mahsuli.
Biz mazkur yo'llanmani qo'lga kiritgach, o'zimizni ettinchi osmonda his qilgan edik. Balki shu sabab ham debyut Jahon chempionatidagi natijalarimiz u qadar yuqori bo'lmagandir. Lekin nima bo'lganda ham biz tarix yarata oldik.
Hozirgi terma jamoa haqidagi fikrlarim ijobiy. Osiyo chempionatida ular Ispaniyalik murabbiy boshchiligida yaxshi o'yin namoyish etishdi. Bir qancha yoshlarning yanada o'sayotgani sezildi. Umid qilamanki, ular Jahon chempionatida yanada kuchli o'yin ko'rsata olishadi. Ular guruhdan chiqishlari shart. Bu eng minimum vazifa. Maksimumi esa medallarga ega chiqish. Biz o'z maydonimizda o'ynaymiz shu sabab ham maqsadni yuqori qo'ysa bo'laveradi. Yana bir yutug'imiz bu muxlislar madadini his qila olishdir. Muxlislarning uchrashuvlarda ajoyib tarzda qo'llab-quvvatlashi bizga kuch bag'ishlashi aniq. Tarixiy mundialda yigitlarga omad tilab qolaman", — dedi Yunusov.
Bosh sahifaga
398