- Mag'lub bo'lganimiz kayfiyatga biroz tasir qildi. Umuman olganda foydali bahs bo'ldi deb o'ylayman. CHunki Mali yaxshi "sparring" raqib bo'la oldi. Yaxshi harakat qildik, ko'proq hujum yushtirishga urindik. Bugungi o'yinda biz ham yutib ketishimiz mumkin edi. Biz qo'yib yuborgan ikkita golda ham himoyachilarning xatosi bor. Bu bahsdan to'g'ri xulosa chiqaramiz.
- Bu ikki o'yinda rejalaringiz amalga oshdimi?
- Rejalar uchun barcha futbolchilar kerak bo'ladi. Katta terma jamoa safida futbolchilarimiz bor. Ularga ham imkon berib ko'rishimiz kerak. Ammo hozirgi tarkibdagilarning barchasiga imkon berdim. Bu o'yin bizga tahlil uchun yaxshi imkoniyat bo'ldi.
- Eldor SHomurodovni Parijdagi Olimpiadada ko'ramizmi?
- Buni ehtimoli bor. Futbolchilar bilan gaplashdim, ularda ham xohish mavjud. Franciyaga faqat 18 futbolchi ketadi. Qaysi poziciyaga kimdir kerak bo'lsa, albatta imkoniyatdan foydalanamiz.
- Ibrohim Ibragimov maydonga tushishi kerak edi, nega u asabiylashib, zaxiraga qaytdi?
- U Jasur Jaloliddinov o'rniga maydonga tushishi kerak edi. Jasur esa qizil kartochka olib, rejalarni o'zgartirib yubordi, shunga jahli chiqdi.
- Xalqaro o'rtoqlik o'yinlarida mahalliy emas, chetdan hakamlar chaqirish to'g'ri bo'lmasmidi?
- Qilsa bo'lardi. Ammo bizning hakamlarimiz ham yaxshi darajada. Ular FIFA referisi hisoblanishadi. To'g'ri, bugungi bahsda ikkala jamoada ham hakamga savollar ko'p bo'ldi.
- Jasur Jaloliddinov judayam agressiv o'ynadi. O'rtoqlik o'yini bo'lgani tufayli hakam uni ayadi. Bunday harakatlar rasmiy o'yinlarda terma jamoaga pand berib qo'yishi mumkin...
- Jasur aqlli bola. Jaloliddinov bunday ishlarni qachon qilish kerakligini yaxshi biladi. Unga hakamning qarorlari yoqmagandir... Asosiysi bu bahs bizga foydali bo'ldi. O'rtoqlik o'yinidan to'g'ri xulosa chiqarsak, hammasi joyida bo'ladi.
- Parij-2024 guruhidagi raqiblar haqida fikringiz qanday?
- Guruhdagi raqiblar kuchli, biz Misr bilan o'ynaganmiz, Ispaniya ham mag'lub etib bo'lmaydigan raqib emas. Harakat qilamiz.
- Ayni damda Superliganing eng yaxshi futbolchilaridan biri bo'lib turgan Bektemir Abdumannonovni nega jamoaga taklif qilmaysiz?
- Bektemirni siz yaqindan taniy boshlagan bo'lsangiz kerak, men uni anchadan beri bilaman. 2 yil davomida birga ishladik, keyin u "Metallurg"ga o'tdi. Hozir u "Andijon"da o'zini ko'rsatyapti. Bugungi kunda uning poziciyasida yaxshiroq futbolchilar bor.
- Abdumannonov gol+pas tizimida 8 ochko ishlab qo'ydi...
- U standartlarni yaxshi ijro etadi. Yaqinda "Andijon"ga qarshi o'ynadik va uni ko'rib, kerakli xulosalar chiqardik. Qisqa qilib aytadigan bo'lsam, uni yaxshi bilaman.
- Maliga qarshi bahsda Jaloliddinov burchak bayroqchasini adashib tepib yubordi, siz esa kuldingiz...
- "Bayroqchani tinch qo'y" deb kulishdik. SHoshib qoldi shekilli. Bugun Jasur qiyiin ahvolga solib qo'ydi.
Bosh sahifaga
105