"Hozir meni tashvishga solayotgan narsa jamoaning tiklanishi va futbolchilarning jismoniy holati hisoblanadi. Afsuski, futbolchilardan birini yo'qotdik. Said Mehri mushaklari zo'riqishi tufayli jarohat olgan va bunga to'g'ri yo'lga qo'yilmagan parvozlar sabab bo'lgan. Biz so'nggi safarimiz davomida qiyinchiliklarga duch keldik va bundan biroz ranjidik. Terma jamoaning qadr-qimmati, shaxsiyati bundan baland. Xitoydan kelgan sayyoh bizni ko'rib, “Mamlakat terma jamoasi shu tariqa parvoz qilishi kerakmi?” dedi. Umid qilamanki, rahbariyat uchinchi saralash bosqichida terma jamoa haqida o'ylashadi, chunki futbol odamlarga zavf bag'ishlaydi. Odamlar bu muammolar uchun bizni ayblashga haqli.
Rasmiylardan terma jamoaning uchinchi saralash bosqichi haqida o'ylashlarini istayman, chunki futbolchilar chindan ham astoydil mehnat qilishyapti, yigitlar ko'p kuch sarflamoqda va men ularning har biriga o'z minnatdorchiligimni bildiraman.
Bo'lajak o'yin haqida shuni aytishim kerakki, O'zbekiston Osiyoning kuchli kuchlaridan biri sanaladi. Hozirda mamlakatlar futboli bir-biriga yaqinlashdi. O'zbekiston rasmiylari bir necha yillardan beri sarmoya kiritib, o'zining asosiy terma jamoalariga yordam bermoqda. Ular yaxshilanishdi va bizni qiyin o'yin kutib turibdi. Umid qilamanki, uch ochko qo'lga kiritamiz. Biz yaxshi natijalarga erishdik hamda keyingi bosqich yo'llanmasini hal qildik. Rahbarlar keyingi bosqich haqida o'ylab ko'rishlari kerak, chunki buyog'iga qiyin bo'ladi. Raqib jamoani to'liq tahlil qildik va taktika ishlab chiqdik. Buni maydonda amalga oshirishga harakat qilamiz. Munosib o'yin bilan muxlislarni xursand qilishga harakat qilamiz", — dedi eronlik mutaxassis.
Bosh sahifaga
375