- O'yin haqida...
- Umuman olganda, o'yin biz uchun unchalik yaxshi o'tmadi. Unchalik yaxshi o'yin ko'rsata olmadik. Bu nima bilan bog'liqligini bilmayman, dastlabki daqiqalardanoq biz noto'g'ri o'ynay boshladik. Bunday o'yinda mag'lubiyatga uchramaslik kerak edi, ammo, afsuski, qo'pol xato tufayli yutqazdik, shu bois, "Olimpik"ni g'alaba bilan tabriklayman.
- "Dinamo"ning 9 o'yindan iborat mag'lubiyatsiz seriyasi yakunlandi...
- Har qanday seriya qachondir yakunlanishi kerak. Afsuski, u bugun tugadi.
- Bugun himoyadagi muammolarni ko'rdingiz. Sokol o'zini yaxshi ko'rsata olmadi. Dinamo transferlar oynasida himoyani kuchaytirsa kerak, ammo jamoada transferlar taqiqi mavjud.
- Bu hal qilinadigan muammo. Bizga nima uchun bunday taqiq qo'yilganini bilmaymiz, ammo bugun markaziy himoyadagi muammolarning sababi boshqa. Sariq kartochkalar sababli 2 ta markaziy ximoyachi o'tkazib yubordi. Futbolda xatolar uchrab turadi. Vaziyatni ko'rib chiqamiz.
- Mavsum boshida darvozabon ham ko'p xatolarga yo'l qo'ygan bo'lsa, bugun Yagudin juda yaxshi o'yin ko'rsatdi.
- Darvozabonlar bilan hammasi yaxshi, bu borada hech qanday muammo yo'q. Muammo shundaki, biz bugun noto'g'ri o'ynadik. Gol o'tkazgan vaziyatda himoyachi xato qildi, ammo vaziyat yaratishga urinmoqchi edi. Ha, u qo'pol xatoga yo'l qo'ydi, ammo uning sheriklari o'sha vaziyatda bo'sh hududda ochilishi kerak edi. U futbolda kurashdan qo'rqmaydi. Qolganlar esa bekinishdi. Futbol — jamoaviy o'yin. Bu vaziyatda faqat himoyachi aybdor emas. Biz tushunmovchiliklar tufayli juda ko'p noto'g'ri paslar o'ynadik.
- Jamoani 4 kundan keyin "Lokomotiv" bilan o'yin kutib turibdi.
- Ha, ko'ryapsizmi, afsuski, o'yinlarni keyinga qoldirish haqida so'rashmaydi. Endi biz 4 kundan keyin o'ynaymiz. Bizning fikrimiz hech kimni qiziqtirmaydi. Hozir navbatdagi o'yinga tayyorgarlik ko'rishimiz va shu kunlarda yana 3 ta o'yin o'tkazishimiz kerak bo'ladi. Albatta, taqvimni o'zgarishi ham o'z tasirini ko'rsatadi, hozir jim bo'lganim maqul deb o'ylayman. Bilasizmi, hozir gapirganimdan va hamma shubhalarni oshkor qilgandan ko'ra, ahmoq bo'lib ko'ringan yaxshiroq. Mayli, hammasiga ko'nikamiz.
- Sizga o'tgan o'yinda qizil kartochka olgan "Olimpik" futbolchisining bugun maydonga tushgani haqida xabar berilgandimi?
- To'g'risini aytsam, bu haqda o'yindan oldin bildim. Siz internet orqali bu haqda xabardor bo'lsangiz kerak, men internetda ko'rmaganman. Ular o'ynashmoqda, bu muammo emas, biz olgan kartochkalar qandaydir tarzda har doim bahsli bo'lmoqda.
Bosh sahifaga
355