O'yin haqida
- Qiziqarli va tomoshabop uchrashuv guvohiga aylandik. Birinchi bo'limda uzun uzatmalar orqali o'ynashga urindik. Ikkinchi bo'limda esa poziciyalar bo'yicha himoyalandik. Yakka kurashlarga boy o'yin bo'ldi. Bayram bo'lishiga qaramasdan muxlislar har ikki jamoani juda yaxshi qo'llab-quvvatlashdi.
- Egor Krimec nega zaxiraga olindi?
- Jamoamiz sardori birinchi bo'limda jarohat oldi. SHu boisdan uni almashtirishga majbur bo'ldik.
- Nimeli nega maydonga tushirilmayapti?
- Siz mahalliy jurnalistsiz, "Neftchi"ga muxlislik qilasiz, shundaymi? Etibor bering, jamoa legionerlari maydonda borini berib harakat qilayapti. Legioner jamoa uchun o'ynashi kerak. Nimeli jamoada o'z kelajagi haqida o'ylasin, "Surxon"da o'ynagisi kelyaptimi yoki yo'qmi tushunib olishi kerak. Klub moliyaviy jihatdan barcha ishni qildi, ammo futbolchi tomonidan javob yo'q. Biz uni maydonga tushirishga tayyormiz, lekin u barcha uchun teng bo'lgan klub qarorlarini hurmat qilishi kerak.
- "Surxon" vodiydan ikkinchi bor vodiyning kuchli klublari maydonidan ochko olib ketayapti. Bu tayyorgarlik yaxshi bo'lganidan dalolatmi?
- "Navbahor" bilan o'yinda yaxshi himoyalandik, vaziyatlarga ega bo'lgandik. Bugun "Neftchi" bilan o'yinda yaxshi himoyalandik, biroq hujumdagi vaziyatlarimiz soni ko'p emasdi. Asosiy faktorlar sifatida darvozabonning yaxshi o'yini va himoyadagi tartibli o'yinni ko'rsatgan bo'lardim.
- "Surxon" qachon o'z maydoniga qaytadi?
- Bizga xabar berilishicha, stadion o'yinlarni qabul qilish uchun tayyor bo'lgan. Biroq, O'zPFLning bu borada o'z talablari bor. Delegaciya o'rganib chiqib, stadionni qabul qilsa, o'z maydonimizga qaytamiz.
Bosh sahifaga
511