"Evro"dagi dastlabki sensaciya! Slovakiya Belgiyani mag'lubiyatga uchratdi

Bo'ldi, hakam final hushtagini chaldi va musobaqadagi dastlabki chinakamiga sensaciya qayd etildi. Slovakiya kutilmaganda Belgiyani mag'lub etdi. 

90+7-daqiqa. Belgiya qanchalik urinmasin Dubravka darvozasi tomon yo'l topa olmayapti. 

90+4-daqiqa. O'zgarish! Duda o'rniga Obert maydonga tushirildi.

90+3-daqiqa. De Bryuyne zarba berish uchun qulay nuqtaga chiqib bordi va to'pni darvozaga yo'lladi, lekin uning urinishi kuchsiz chiqdi hamda Dubravka ishonch bilan uni egallab oldi.  

90-daqiqa. O'yining asosiy vaqtiga 7 daqiqa qo'shib berildi. 

Ammo, lekin, biroq... VAR bugun Lukakuga qarshi chiqmoqda)) Hujum davomida to'p Opendaning qo'liga tegib ketgani malum bo'ldi va shu sababli Romeluning goli bekor qilindi.  

86-daqiqa. GOOOOOOOOL! Openda tezligining hisobiga chap qanotdan oldinga o'tib ketdi va to'pni jarima maydonchasi markaziga yo'naltirdi, u erda Romelu Lukaku bir o'zi turgandi. Tajribali hujumchi bunday imkoniyatlarni ko'kka sovurmaydi.   

85-daqiqa. Ogohlantirish! Dodi Lukebakio hujumdagi foli uchun kartochka ishlab oldi.

84-daqiqa. Yannik Ferreyra-Karrasko va Doku o'rniga Lukebakio hamda Openda o'yinga qo'shildi.   

83-daqiqa. Slovakiya burchak zarbasi amalga oshirdi, lekin bundan naf chiqmadi.

81-daqiqa. O'zgarish! Ivan SHranc o'rniga David Dyurish maydonga tushirildi. 

80-daqiqa. Belgiya burchak zarbasi ishlab oldi. De Bryuynening uzatmasidan keyin Onana zarba bera oldi, lekin uning urinisha aniqlik etishmadi.  

76-daqiqa. Slovakiya oradagi farqni ikkitaga oshirib qo'yishi mumkin edi. Ammo to'p Fasning oyog'iga tegib, maydon tashqarisiga yo'l oldi.  

76-daqiqa. Ogohlantirish! Suslovga nisbatan fol uchun hozirgina maydonga tushgan Tilemans sariq kartochkaga loyiq ko'rildi.

74-daqiqa. O'zgarish! Trossard o'rnini Yuri Tilemansga bo'shatib berdi.

To'pga egalik qilish bo'yicha ko'rsatkich 58%ga 42% Belgiya foydasiga.

70-daqiqa. O'zgarishlar! Mehmonlar safida o'yinchilar alishtirildi. Robert Bojenik va Lukash Xaraslin o'rniga David Strelec hamda Tomash Suslov o'yinga qo'shildi.   

66-daqiqa. Belgiya bosimni kuchaytirib bormoqda. 

62-daqiqa. Bakayoko qanday qilib bu vaziyatda gol ura olmadi? 

59-daqiqa. Belgiya tanaffusdan keyin ancha dadil harakat qilmoqda. Hozir Trossardda imkoniyat bo'ldi, Dubravka ishonchli harakat qildi. 

58-daqiqa. O'zgarish! Orel Mangalya o'rniga Yoxan Bakayoko tushdi.

"VAR" vaziyatni takroran ko'rib, belgiyalik futbolchi o'yindan tashqari holatda bo'lganini malum qildi. Gol inobatga olinmadi. 

56-daqiqa. GOOOOL! Burchak zarbasidan keyin Amadu Onana to'pni markazroqqa tashlab berdi va Lukaku osonlik bilan uni darvoza to'riga yo'lladi. 

55-daqiqa. Lukaku qulay imkoniyatga ega bo'ldi va kuchli zarba yo'lladi, Dubravka o'z o'rnida. 

50-daqiqa. Lukaku hujumda Denis Vavroga nisbatan fol ishlatdi. 

49-daqiqa. Belgiya to'pni nazorat qilmoqda. 

47-daqiqa. Lukash Xaraslin jarima maydonchasi tashqarisidan darvozani aniq nishonga ololmadi. 

46-daqiqa. Ikkinchi bo'lim boshlandi!

45+3-daqiqa. Bo'ldi, hakam dastlabki bo'lim oxiriga etganini bildiruvchi hushtagini chaldi va jamoalarni tanaffusga taklif qildi. 

45+2-daqiqa. Slovaklar bo'lim so'ngida yana ikki bor burchak zarbasi amalga oshirishdi, biroq har ikki safar ham vaziyat chinakamiga xavfli tus olmadi. 

45+1-daqiqa. Belgiyaning xavfli tus olishi mumkin bo'lgan hujumini Milan SHkrinyar yo'qqa chiqardi. Qo'shimchasiga, sal avvalroq Lukaku o'yindan tashqari holatda bo'lgani qayd etildi. 

45-daqiqa. Birinchi bo'limning asosiy vaqtiga 2 daqiqa qo'shib berildi.

44-daqiqa. Belgiyaning yana bir urinishi besamar ketdi. 

42-daqiqa. Romelu Lukaku bu vaziyatda qanday qilib gol urmaganini o'zi ham tushunolmayapti. 

41-daqiqa. Ogohlantirish! Karraskoga nisbatan taktik fol uchun Ivan SHrancga sariq ko'rsatildi.

40-daqiqa. Ajoyib hujumni Lukash Xaraslin undanda chiroyli va muhimi aniq zarbasi bilan yakunladi, ammo Kastels nima uchun Evroga birinchi raqamli kiper bo'lib kelganini barchaga ko'rsatib qo'ydi.  

39-daqiqa. Belgiya to'pni o'z nazoratida ushlab turibdi.

36-daqiqa. De Bryuynening uzatgan to'pini Onana boshi bilan darvozaga yo'lladi, lekin Dubravka bu holat ortiqcha muammo tug'dirmadi. 

34-daqiqa. Doku Belgiya termasi uchun burchak zarbasi ishlab berdi.

32-daqiqa. Trossard zarba yo'lladi, lekin bu safar ham to'p darvozagacha etib bormadi.

31-daqiqa. Slovakiya hujumini zarba bilan yakunlay oldi.

30-daqiqa. Ogohlantirish! Orel Mangalya raqibning ehtimoliy xavfli hujumini fol bilan to'xtatib qoldi.  

28-daqiqa. Peter Pekarik qoidani buzdi. Leandro Trossard jabrlanuvchi rolida.

26-daqiqa. Martin Dubravka oldinroqqa chiqib, to'pni egallab oldi. 

22-daqiqa. Kevin de Bryuyne hujumda fol ishlatdi deb topildi. Tabiiyki, futbolchining o'zi bu fikrga qo'shilmayapti. 

15-daqiqa. KDBning uzatmasidan keyin o'ng qanotdan jarima maydonchasiga yorib kirgan Jeremi Doku zarba berdi, lekin himoyachi to'p yo'liga to'g'anoq bo'ldi.   

13-daqiqa. Maydon markazida to'p uchun kurash kechmoqda. 

10-daqiqa. Tezkor gol o'tkazib yuborgan Belgiya ustunlikni o'z tomoniga og'dirmoqchi, to'p nazoratini qo'lga olish orqali Lukaku sheriklari natijani o'zgartirishiga ishonmoqda.

Etiborli jihati Jeremi Doku yo'l qo'ygan xato yakunda Belgiya darvozasi ishg'ol qilinishiga sabab bo'ldi.

7-daqiqa. GOOOOOOOL! Ivan SHranc Slovakiyani oldinga olib chiqmoqda. 

6-daqiqa. Jeremi Doku faollik ko'rsatishga va sheriklari uchun vaziyat yaratib berishga urinib ko'rdi, lekin niyatiga eta olmadi. 

3-daqiqa. Belgiya to'pni nazorat qilmoqda va raqib darvozasi oldida vaziyat yaratishga urinmoqda. 

1-daqiqa. O'yin boshlandi! Uni slovaklar boshlab berishdi.