- O'yin haqida
- O'yin vaziyatlarga, hissiyotlarga boy bo'ldi. O'z imkoniyatlarimizdan foydalana olmadik. Vaziyatlarimizdan foydalanganimizda, yakuniy hisob boshqacha bo'lardi.
- "Do'stlik"ning so'nggi natijalaridan kelib chiqib, "Qo'qon-1912" jamoasi futbolchilari sekin o'yin bilan yutamiz deb o'ylashdi shekilli. O'yin yakuniga qadar futbolchilaringiz bor kuchi bilan o'ynashmadi.
- To'g'ri, shunday deyish mumkindir. Biroq Superliga o'yinlarida ham ko'ryapmizki, havo issiqligi sababli yuqori temp namoyish qila olishmayapti. Futbolchi ham odam, u ham charchaydi. Bugungi temp esa havoga yarasha bo'ldi. Havo uchun yaxshi temp ko'rsatdik. Siz aytgan narsa mensimaslik emas, sifatga taalluqli. Yigitlar havoga qaramasdan bor kuchi bilan yuguryapti, lekin ularda mahorat kam. SHu sababli futbolchilar noto'g'ri pas berib qo'yishadi, to'pni noto'g'ri to'xtatib qo'yishadi va o'yin sekinlashib, o'ylagan kombinaciyamizni chiqara olmayapmiz. SHuni hisobiga o'yinimiz sekinga o'xshamayapti.
- Bugungi o'yindan keyin jamoa 5-o'ringa tushib qoldi. Istefo haqida o'ylamayapsizmi?
- Buni rahbariyat hal qiladi. Biz ishlashda davom etamiz.
- Doniyor Ismoilov maydonga tushganidan keyin o'yin sifati yaxshilandi. Uni asosiy tarkibda maydonga tushirsa bo'lmasmidi?
- Har bir murabbiyning o'yinoldi rejasi bo'ladi. Rejamiz bo'yicha SHahzod Beshimov birinchi bo'limda tezlik berishi kerak edi. Havo issiqligi sababli birinchi bo'limda to'pni nazorat qilib turdik va shunga yarasha 3-4 vaziyat yaratdik. Doniyor Ismoilov esa katta tezlikka ega futbolchi, ikkinchi bo'limda raqiblar charchasa ulardan qochib ketib, vaziyatlar yaratishini reja qilgandik. Reja o'xshadi, shunchaki gol etishmadi.
- Hakamlik haqida nima deya olasiz?
- O'zimiz xato qildik. Ko'plab vaziyatlardan gollar ura olmadik. Bu futbol. O'zimiz aybdormiz. To'g'ri, havo ham, raqib ham golga halaqit qiladi. SHu sababli sifatli futbolchilar olib, o'yinlarga tayyorlanish kerak.
- Yozgi transferlar oynasi vaqtida qaysi poziciyalarga futbolchilar olish rejada bor?
- Markaziy himoya, markaziy yarim himoya va hujum. Har bir o'yinda 5-6 ta vaziyatlarga ega bo'lyapmiz, lekin gollar ura olmayapmiz. Birinchi davrada yosh yigitlarga imkoniyat berdik va barchani ko'rib oldik. Barchada potencial bor deb ko'rib chiqdik. Ularning bori shu ekan, darajasini qo'shib yubora olmayapti. Agar qo'sha olishganida har bir o'yinda 3 ochko olgan bo'lardik. Bizga gollar etishmayapti. SHu sababli tarkibni kuchaytiramiz.
Bosh sahifaga
282