O'yin haqida nimalarni bilish lozim?
Ispaniya Xorvatiyaga qarshi o'yinning birinchi bo'limidayoq uchta javobsiz gol urib, mustahkam poydevor o'rnatdi. Maydondagi asosiy yulduz Fabian Ruis bo'lib, u avval Alvaro Morataga zargarona pas berdi, so'ngra o'zi hisobdagi farqni oshirdi. Ushbu kecha 16 yoshli Lamin Yamal uchun ham esda qolarli bo'ldi, aynan uning pasidan keyin Dani Karvaxal uchinchi golni urdi. Uch karra Evropa chempionlari qanotlarini keng yoyib, EVRO-2012 finalida mag'lub etgan italiyaliklarga qarshi uchrashuvga shitob bilan odimlamoqda.
Italiya Albaniyaga qarshi o'yinning dastlabki daqiqasidayoq boshdan kechirgan shok vaziyatdan chiqishni uddalab, mashaqqat bilan bo'lsa-da, uch ochkoni qo'lga kiritdi. Italiyaliklar so'nggi ikki qita chempionatida: 8 yil oldin 1/8 finalda 2:0 hisobida va EVRO-2020 yarim finalining penaltilar seriyasida ispaniyaliklarni mag'lub etgan. Amaldagi Evropa chempionlari ikkinchi turda ularni qanchalik qiyin vazifa kutganini yaxshi his qilib turishibdi, lekin himoyachi Alessandro Bastoni "Ispaniyaning zaif tomonlarini topamiz va ularga zarba beramiz", deya fikr bildirdi.
Taxminiy tarkiblar
Ispaniya: Unay Simon; Karvaxal, le Norman, Nacho, Kukurelya; Fabian Ruis, Rodri, Pedri; Yamal, Morata, Uilyams
Italiya: Donnarumma; Di Lorenco, Bastoni, Kalafori, Dimarko; Jorjino, Barella; Frattezi, Pellegrini, Keza; Skamakka
Oxirgi natijalar
Ispaniya
Oxirgi natijalar (barcha turnirlar, oxirgi o'yinlar birinchi bo'lib sanab o'tilgan, G' - g'alaba, D - durang, M - mag'lubiyat): G'G'G'DMG'
Italiya
Oxirgi natijalar: G'G'DG'G'D
Murabbiylar fikri
Ispaniya terma jamoasi bosh murabbiyi Luis de la Fuente: "Xorvatiyaga qarshi o'yinda jamoa DNKsiga singib ketgan g'alabadan ilhomlangan holda mukammal futbol ko'rsatdik. Men jamoamning professionalizmi, yuqori darajadagi fidoiyligi va shijoatini alohida takidlamoqchiman".
Italiya terma jamoasi bosh murabbiyi Luchano Spalletti: "G'alaba qozonish muhim ahamiyatga ega, deb o'ylaydiganlar fikriga qo'shilmayman. Muhimi - yaxshi o'yin. Siz yaxshi futbol o'ynashingiz kerak, aks holda yuqori darajadagi jamoalar sizni mag'lub etishadi. Ispaniyaga qarshi o'yin o'zgacha ruhda o'tadi va unda Albaniyaga qarshi bellashuvdan butkul boshqacha o'yin namoyish etamiz".
Eslatib o'tamiz, "B" guruhi 28-turidan o'rin olgan Ispaniya — Italiya uchrashuvi 21iyun kuni soat 00:00 da boshlanadi.
Bosh sahifaga
388