"Nima ham deyish mumkin. Agar, xudo biz bilan birga bo'lsa, kim qarshilik qilishi mumkin? Yigitlar oxirgi daqiqagcha kurashishdi, hattoki g'alaba qozonishga ishonishdi. Ular kurashuvchanlik hislatlarini ko'rsatishdi. "Olimpik"dan olingan bir ochko ham oltinga teng",- deydi Ilyos Zeytullaev.
- "Bunyodkor" ikki kishi kam bo'lib xarakter ko'rsatdi. Bu futbolchilarning irodasimi yoki mashg'ulotlarda ishlanganlarning samarasi?
- Hammasi birgalikda bo'ldi. Yigitlar juda yig'inchoqlik bilan o'yin ko'rsatishdi. Murabbiylar, jamoaning mehnati. Bizda hamma bir-biriga ko'maklashadi. Yigitlardan afsusda emasman. To'g'ri, g'alabani saqlab qola olmadik. Futbolchilar soni teng bo'lganida boshqacha o'yin guvohiga aylanardik.
- Mahmud Mahamadjonov o'tgan o'yinda ham zaxirada qolgandi. Bugun ham u zaxiradan tushdi va yana almashtirildi...
- U bilan hech narsa bo'lgani yo'q. Murabbiy sifatida bu ruhiyat bilan bog'liq deb o'ylayman. Balki terma jamoaga chaqirilmaganigadir. U o'zini ko'rsatishi kerak. Mahmud iqtidorli futbolchi. Xotirjam ishlashi, shug'ullanishi kerak.
- Agarda jamoada qolsangiz ikkinchi davraga selekciya va tayyorgarlik rejasini ishlab chiqdingizmi? Tarkib kuchaytiriladimi? Jamoada qolish qolmasligingiz haqida gap-so'zlar tarqalmoqda...
- Mening rejam faqat "Paxtakor" bilan o'yinga qaratilgan. Agarda jamoada qolsangiz degan savolingizga kelsak. Otamni bir gapi bor: "It xurar, karvon o'tar". Odamlar bizda nima bo'layotganini bilishmaydi. Men hozir faqat qo'l ostimda bor yigitlar haqida gapirishim mumkin. Tarkib kuchaytirilishi borasida rahbariyatdan so'raganingiz maqul.
Bosh sahifaga
156