Evro-2024. Gruziya Portugaliyani mag'lubiyatga uchratib, o'z tarixida ilk bor pley-off bosqichiga chiqdi!

95-daqiqa. O'yin yakunlandi. Gruziya g'alaba qozondi va o'z tarixida ilk bor pley-off bosqichiga chiqdi!

94-daqiqa. Mamardashvili!!! Giorgidan yana bir super seyv! 

93-daqiqa. Qanday imkoniyat? Portugaliya o'ta xavfli hujum uyushtirdi. Zarba aralash uzatmaga hech kim tegina olmadi! Portugaliya o'yinni golsiz tark etmoqchi emas.

91-daqiqa. Zarbaa! Nelsen Semedu yaqin masofadan zarba berdi. Mamardashvili ajoyib seyv!

90-daqiqa. O'yinga 4 daqiqa qo'shib berildi.

85-daqiqa. Hozirgina o'yinga qo'shilgan Anzor Mekvabishvili sariq kartochka oldi.

81-daqiqa. Gruzinlan qo'shaloq o'zgarish qilishmoqda. Mekvabishvili va Davitashvili o'yinga qo'shildi. Kvaracxeliya va CHakvetadze o'yindan olindi.

76-daqiqa. Gruziyada o'zgarish. Kvirkveliya o'rniga Gvelashini o'yinga qo'shildi.

75-daqiqa. Mateush Nunesh ham jangga tashlandi, Neveshga berilgan vaqt tugadi.

66-daqiqa. O'zgarish. Diogu Jota o'yinga qo'shiladi, u Netoni almashtiradi.

Ronaldu zaxiraga olinganidan norozi:

66-daqiqa. O'zgarish. Krishtianu Ronaldu zaxiraga olinmoqda. Uning o'rniga Gonsalu Ramush maydonga tushdi. Bundan tashqari Silva o'rniga Semedo ham o'yinga qo'shildi.

63-daqiqa. O'zgarish. Lochoshvili jarohat sabab maydonni tark etdi. Uning o'rniga Tsitaishvili o'yinga qo'shildi.

57-daqiqa. GOOOOOOOOL! Mikautadze penaltini aniq amalga oshirdi! Gruziya ishonchli hisobda oldinga chiqdi! 2:0

56-daqiqa. Portugaliya darvozasi tomon penalti belgilanmoqda! Portugallar himoyachisi jarima maydoniga yorib kirayotgan futbolchining oyog'iga tepdi.

53-daqiqa. Yaqindagina maydonga tushgan Ruben Nevesh ogohlantirildi.

46-daqiqa. O'zgarish. Palinya o'rniga Rubun Nevesh maydonga tushdi

46-daqiqa. Ikkinchi bo'lim boshlandi.

45+2-daqiqa. Hakam birinchi bo'lim yakunlanganini bildiruvchi hushtagini chaldi. Kutilmaganda Gruziya birinchi bo'limdan keyin hisobda oldinda bormoqda.  

45-daqiqa. Birinchi bo'limning asosiy vaqtiga 2 daqiqa qo'shib berildi. 

44-daqiqa. Ogohlantirish! Pedru Netu simulyaciya uchun kartochka ishlab oldi. 

43-daqiqa. Giorgi CHakvetadze o'yin qoidasini buzdi. Antoniu Silva jabrlanuvchi rolida. 

39-daqiqa. Palinya Mikautadzega nisbatan keskin o'ynadi - fol.

35-daqiqa. Giorgi CHakvetadze faollik ko'rsatib, to'pni jamoasiga olib berdi.

33-daqiqa. Xvicha Kvaracxeliyada imkoniyat yuzaga keldi. U zarba berish uchun imkoniyat topdi, lekin kiperni dog'da qoldira olmadi. 

32-daqiqa. Joau Palinya to'p uchun kurashda Xvichaga nisbatan qoidani buzdi.  

28-daqiqa. Ogohlantirish! Hakam bilan tortishgani uchun Krishtianuga kartochka ko'rsatildi.

26-daqiqa. Otar Kiteishvili yordam kerakligini ko'rsatib, maydonga quladi.   

24-daqiqa. Joau Nevesh zarba berdi, ammo Georgiy Kochorashvili to'p yo'liga to'g'anoq bo'ldi.  

21-daqiqa. Joau Feliks jarima zarbasidan to'pni o'yinga kiritdi va uni Antoniu Silvaga yo'lladi, himoyachining zarbasiga aniqlik etishmadi. 

17-daqiqa. Krishtianu Ronaldu jarimadan yaxshi zarba yo'lladi. Mamardashvili ham ishonchli o'ynadi va to'pni maydon tashqarisiga chiqarib yubordi. 

15-daqiqa. Diogu Koshta oldinroqqa chiqib, to'pni egallab oldi. 

12-daqiqa. Otar Kakabadze to'p uchun kurashda Feliksga nisbatan fol ishlatdi deb topildi.

10-daqiqa. Pedru Netu "podkat"da to'pni olib qo'ydi. 

7-daqiqa. Gruziya termasi sardori Guram Kashiya to'pni olib qo'ydi. 

6-daqiqa. Portugaliya vaziyat yaratishga urinmoqda. 

2-daqiqa. Mikautadzedan to'pni qabul qilgan Xvicha Kvaracxeliya ajoyib zarbasi bilan hisobni ochmoqda!

1-daqiqa. Uchrashuv boshlandi! 

Mamlakatlar madhiyalari yangramoqda. 

Har ikki jamoa asosiy tarkib vakillari maydonga tushib kelishdi. 

-