Rustam Turdimurodov: "Derbini yutishimiz shart edi. Murabbiylar menga imkoniyat berishmoqda, men esa ularning ishonchini oqlashga maksimal tarzda harakat qilayapman"

- O'yin haqidagi fikrlaringiz?

- O'yin biz kutganimizdan qiyinroq bo'ldi. Birinchi bo'lib hisobni ochganimiz bizga ishonch berdi. CHiroyli g'alabaga erishdik.

- "Andijon" mavsumni ajoyib tarzda boshlagandi. Lekin keyinchalik ketma-ket 7ta uchrashuvda g'alaba qozona olmadi. Ushbu nohush seriya aynan "Navbahor" qarshi uchrashuvda yakunlanishiga nima sabab bo'ldi?

- Uzoq vaqtdan buyon g'alaba qozona olmayotgan edik. Derbini yutishimiz shart edi. Murabbiylar tanlab uslub va futbolchilarning ishtiyoqi bugungi g'alabaning asosiy omillari bo'ldi.

- "Andijon"da hujum chizig'idagi raqobat ancha kuchli. Lekin shunga qaramay siz so'ngi uchrashuvlarda ko'p gol urmoqdasiz. Aleksandr Xomyakov bir nechta uchrashuv avval hujumchilar hozircha ishonchni oqlamayapti degan edi. Bosh murabbiyning gaplari sizga tasir qildimi?

- Murabbiylar shtabi menga ishonch bildirishdi va imkoniyat berishni. Men taqdim etilgan imkoniyatdan 100% foydalanishga harakat qilayapman. Bosh murabbiyimizning gaplarini yaxshi manoda qabul qildim. Raqobat haqida gapirishning hojati yo'q. Biz barchamiz bir jamoamiz. Biri akam, biri ukam. Jamoada barchasi yaxshi.