- Bugungi uchrashuv haqidagi fikrlaringiz.
- Barcha muxlislarimizni g'alaba bilan tabriklayman. Bugungi g'alabada muxlislarning hissasi juda katta. Bugun g'alabaga loyiq O'yin ko'rsatdik va g'alaba qozondik.
- "Andijon" mavsumni ajoyib tarzda boshlagandi, lekin keyinchalik ketma-ket 7 ta uchrashuvda g'alaba qozona olmadi. Ushbu noxush seriya aynan "Navbahor" qarshi uchrashuvda yakunlanishiga nima sabab bo'ldi?
- Aniq bir sabab ko'rsata olmayman. Menimcha, shunchaki omadimiz kelmadi. Superliga hali beri yakunlanmaydi. Natijalarni yaxshilashga vaqt etarlicha. "Andijon" hali o'z so'zini aytmadi.
- "Andijon" o'tgan mavsum ham o'z o'yida "Navbahor"ni mag'lub etgandi. Vodiy derbisiga alohida tayyorgarlik ko'rilmoqdami?
- Bizning muxlislarimiz bor ekan, hech qaysi jamoadan qo'rqmaymiz. Har bir o'y uchrashuvida g'alaba qozonishga intilamiz.
- "Andijon" keyingi uchrashuvda "Olimpik"ga qarshi o'tkazadi. Kubok doirasida kechadigan bahs haqida fikr bildirib o'tsangiz. "Andijon" kubokda qaysi bosqichga borishni maqsad qilgan?
- O'zbekiston kubogida chempionlikni maqsad qilganmiz. Yaxshi niyatimizga yarasha o'yin namoyish etishimiz kerak.
- Evro-2024ni kuzatib boryapsizmi? Qaysi terma jamoaga muxlislik qilyapsiz? Qaysi jamoa chempionlikni qo'lga kiritadi?
- Bunday musobaqani kuzatmaydigan futbolchi bo'lmasa kerak. Evropa birinchiligida Franciya terma jamoasining imkoniyatini yuqori baholayman.
Bosh sahifaga
298