Uchrashuvdan so'ng “temiryo'lchilar”ning yagona goliga mualliflik qilgan G'ulom Haydar G'ulomov saytimizga o'yin haqida intervyu berdi.
— O'yin haqida fikringiz?
— Bugun qiziqarli, jangovor tarzda kechgan o'yin bo'ldi. Ikki jamoa ham g'alaba uchun o'ynadi. Bu futbol. Unda kimdir yutadi, kimdir esa yutqazadi. Har ikki jamoa ham oxirigacha kurashdi, biroq yakunda g'alaba namanganliklarga nasib qildi.
— Bugungi uchrashuvda 3 bor penalti qo'yildi va bularning barchasiga VAR aralashdi. Uchrashuvdagi VAR'ning ishtirokini qanday baholaysiz?
— Biz qanday penalti bo'lganini VAR orqali ko'rmadik. SHu bois ham nimadir deya olmayman. Barchasi hakamlarga ko'rindi. Lekin har ikki jamoaning futbolchilariga yoqmagan jihati har bitta narsaga VAR'ning aralashuvi bo'ldi. Hakam o'zi nazorat qilishi kerak bo'lgan joyda ham VAR aralashdi. Balki bu O'zbekistonda birinchi bor ishlatilayotgani uchundir, tag'in bilmadim. Ular hali bunga o'rganmagandir, ko'nikmagandir.
— "Lokomotiv" 2 ta turda ham mag'lubiyatga uchradi. Bunga nima sabab? O'zi jamoada ichki muhit qanday?
— Jamoamizda muhit ajoyib. Yuqorida aytganimdek bu futbol. Kimgadir omad kulib boqadi, kimgadir esa yo'q. Murabbiy bergan barcha topshiriqlarini bajaryapmiz. To'xtab qolish yo'q, ishlashda davom etamiz.
Og'abek Samisov yozib oldi.
Bosh sahifaga
170