OFK "Al Nassr" klubi futbolchisi Krishtianu Ronalduni jarimaga tortdi. Gap shundaki, Ronaldu OCHL chorak finalidan o'rin olgan "Al Nassr" – "Al Ayn" o'yinidan oldin o'tkazilgan matbuot anjumanida musobaqaning rasmiy homiysi bo'lmagan brendni reklama qilgan. OCHL tartib-intizom qo'mitasi Krishtianu Ronalduni 15 ming AQSH dollari miqdorida jarimaga tortdi. Bundan tashqari, Ronaldu turnir qoidalariga amal qilishini taminlay olmagani uchun "Al Nassr" klubi ham 7500 AQSH dollari miqdorida jarimaga tortildi.
SHu yilning 11 mart kuni o'tkazilgan "Al Nassr" – "Al Ayn" uchrashuvidan oldingi matbuot anjumaniga etibor qaratsak, Ronaldu nega jarimaga tortilgani deyarli aniq bo'ladi.
Krishtianu o'sha matbuot anjumanida o'zi bilan birga "Ursu" nomli suvni olib kirgan. "Ursu" Krishtianuga tegishli ichimlik suvi brendi hisoblanadi. Ronaldu ushbu suvni ijtimoiy tarmoqdagi sahifalarida faol tarzda reklama qilib keladi.
Bosh sahifaga
380
29 Iyun 2024, 14:33