O'yin haqida
- Mag'lubiyat uchun o'zimiz aybdormiz. "Qizilqum" jamoasini g'alaba bilan tabriklayman. Imkonim bo'lganda birinchi bo'limning o'zida 7-8 nafar futbolchini almashtirgan bo'lardim. Bunaqa kayfiyat bilan futbol o'ynab bo'lmaydi. SHuncha takidlaganim bilan singdira olmadim. Hayot davom etadi, bu ham biz uchun bitta malaka.
- Birinchi davra o'z yakuniga etdi. Hujum va himoya ko'rsatgan o'yin tahliliga qanday yondashgan bo'lardingiz?
- Ko'p gol urganimiz yaxshi. Ko'p gol o'tkazib yuborganimiz yomon. OKMK muxlislar uchun hujumkor o'yin tashkil etishga urinmoqda. Raqib jamoalar unumli foydalanib darvozamizga to'p kiritishmoqda. Qarshi hujumda albatta.
- OKMK tarkibi hozirgi kunga kelib yoshartirildi. Ikkinchi davra oldidan transfer siyosatida qanday rejalaringiz bor?
- Albatta, kim tayyor bo'lsa, o'sha o'ynaydi. Yoshga qarab o'ynatmaymiz. 30 yoshdan oshgan va barqaror o'ynaydigan futbolchilar ham bor. Muhimi, har kim jamoa manfaati uchun o'ynashi kerak. Tarkibni kuchaytirish rejamiz bor. Yuqori o'rinlarni maqsad qilganmiz.
- Mavsum avvalida OKMKni medallar uchun kurashishini hech kim taxmin qilmagandi. Jamoa hozir jadvalda birinchi o'rinni egallab turibdi...
- O'tgan mavsumda ham ikkinchi o'rinni olishimiz mumkin edi. Buning uchun bizga oxirgi o'yinda muvaffaqiyatli natija zarur edi. "Nasaf" bilan o'yinda durang bo'lib qoldi. O'z imkoniyatimizdan kelib chiqib harakat qilayapmiz. Medallar uchun kurashadigan jamoa futbolni esdan chiqarib qo'yishi mumkin emas. SHunaqa jihatlar tasir qiladi.
Bosh sahifaga
380