O'yin haqida
- Og'ir o'yin o'tkazdik. Uchrashuvni yaxshi boshlagandik. Birinchi bo'limning o'zida raqib darvozasiga 2 ta gol urishni uddasidan chiqdik. SHundan so'ng jamoa o'yinida bir oz pasayish va xotirjamlik ko'zga tashlandi. Bu holatdan raqiblar unumli foydalanishdi va hisobni tenglashtirishdi. O'yinning borishidan kelib chiqib zaxiradan futbolchilarni o'yinga tashladik. O'zgarishlar samarasini berdi va yana 2 ta gol urishning uddasidan chiqdik. G'alaba bilan jamoamiz azolarini va muxlislarimizni tabriklayman. "Dinamo" jamoasiga esa navbatdagi o'yinlarda omad tilaymiz.
- Jamoaning ayni damdagi imkoniyatlaridan kelib chiqsak, chempionlik vazifasi ham kun tartibida bormi?
- Biz hozir navbatdagi raqiblar haqida o'ylayapmiz. Jamoamiz bosh murabbiyi Ivan Boshkovich ham diskvalifikaciyadan so'ng maydonga qaytadi. Oldinda bizni kubok doirasida "Neftchi"ga qarshi o'yin kutayapti. SHu uchrashuvda stadion tribunalari muxlislar bilan to'lishiga shubha yo'q. Biz hozir bor etiborni mana shu o'yinga qaratamiz. CHempionlik haqida savolingizga kelsak, har bir uchrashuvda g'alaba uchun maydonga chiqamiz, albatta barchasi ikkinchi davrada qayd etadigan natijalarimizga bog'liq.
- Jamoa legionerlari yaxshi o'yin ko'rsatishmoqda. Birinchi davra yakunidan so'ng transferlar rejasi qanaqa?
- Legionerlarimiz saviyasi anchayin yaxshi. Ular jamoamizga taklif etilishidan oldin o'z klublarida etakchilardan bo'lishgan. Doriev to'purarlar jadvalida yaxshi natija ko'rsatayapti masalan. Davralar oralig'ida mahalliy futbolchilardan kuzatib yurganlarimiz bor, balki amalga oshsa 3-4 nafar yangi nomlar tarkibimizda paydo bo'ladi.
Bosh sahifaga
396