Championat.asia sayti talqiniga ko'ra 13-turning eng yaxshi darvozaboni – Suhrobjon Sultonov ("Lokomotiv")
"Lokomotiv" bu tur Farg'onada "Neftchi" mehmoni bo'ldi va 1:1 hisobida durang o'ynab qaytdi. Maydon egalari o'yin davomida ko'plab hujumlar tashkil etishdi va katta tashabbusga ega bo'lishdi. Biroq "Neftchi"ning g'alaba qozonishiga "temiryo'lchilar" posboni Suhrobjon Sultonov yo'l qo'ymadi. U bahs davomida bir necha bor seyvlarni namoyish etdi. SHu tariqa Sultonov turning eng yaxshi posboni sifatida etirof etildi.
Championat.asia sayti talqiniga ko'ra 13-turning eng yaxshi murabbiyi – Aleksandr Xomyakov ("Andijon")
Bu turdagi vodiy derbisiga etibor juda katta bo'ldi. "Andijon" o'z maydonida chempionlikka kurashayotgan "Navbahor"ni qabul qildi va yirik 3:0 hisobida g'alabaga erishdi. Uchrashuvdan avval hech kim bu qadar yirik hisob qayd etilishini taxmin qilmagan bo'lsa kerak. Diskvalifikaciya muddatini o'tayotgan Xomyakov zaxira o'rindig'ida bo'lmasa ham uning shogirdlari kuchli raqibni yirik hisobda taslim qilishning uddasidan chiqishdi. SHu tariqa "burgutlar" ustozi Aleksandr Xomyakov turning eng yaxshi murabbiyi deb topildi.
Championat.asia sayti talqiniga ko'ra 13-turning eng yaxshi futbolchisi – Farhod Sohibjonov ("Andijon")
"Andijon"ning "Navbahor" ustidan qozongan g'alabasida Farhod Sohibjonovning hissasi katta bo'ldi. Aynan u o'yin boshida penalti ishladi, aynan Sohibjonovning darvozaga yo'llagan zarbasi to'singa tegib qaytganidan keyin ikkinchi gol "Navbahor" darvozasidan o'rin oldi. Umuman olganda, Sohibjonov o'yin davomida juda faol bo'ldi va saytimiz talqiniga ko'ra 13-turning eng yaxshi futbolchisi deb topildi.
Championat.asia sayti talqiniga ko'ra 13-turning eng chiroyli goli muallifi – Vladimir Yovovich ("So'g'diyona")
"So'g'diyona" - "Dinamo" uchrashuvining 8-daqiqasida mezbonlar vakili Vladimir "Messi" Yovovich maydon markazida to'pni egallab oldi va yo'lidan chiqqan raqibni ortda qoldirib gol urishga erishdi. Aynan Yovovich tomonidan urilgan gol championat.asia sayti talqiniga ko'ra turning eng chiroyli goli deb topildi.
Bosh sahifaga
426