Ushu sahifada uchrashuvning matnli translyaciyasini kuzatib borishingiz mumkin bo'ldi.
YANGILASH
90+4-daqiqa. Bo'ldi, hakam final hushtagini chaldi va Franciya chorak finalga yo'l oldi!
90+4-daqiqa. Ogohlantirish! Orel Mangala qarshi hujumga qochib ketayotgan Randal Kolo-Muanini qo'pollik bilan to'xtatib qolgani uchun sariq kartochkaga loyiq ko'rildi.
90+2-daqiqa. Doku burchak zarbasi ishlab oldi.
90-daqiqa. O'yinning asosiy vaqtiga 3 daqiqa qo'shib berildi.
90-daqiqa. Teatening zarbasidan keyin bosh hakam to'p yo'liga to'g'anoq bo'ldi.
88-daqiqa. O'zgarishlar! Timoti Kastan va Karrasko o'rniga Dodi Lukebakio hamda SHarl de Ketalare maydonga tushdi.
87-daqiqa. Belgiya to'p bilan oldinga o'tishga harakat qilmoqda.
85-daqiqa. GOOOOOOOL! Hisob ochildi! Randal Kolo-Muani rikoshet yordamida Kastelsni dog'da qoldirdi!
83-daqiqa. Kevin de Bryuyne hozir Belgiyaga g'alaba keltiruvchi gol muallifiga aylanishi mumkin edi. Uning qulay vaziyatdan yo'llagan kuchli zarbasidan keyin Mayk Menyan seyv ijro etdi va jamoasini qutqarib qoldi.
81-daqiqa. Yannik Ferreyra-Karrasko hujumda Teoga nisbatan fol ishlatdi deb topildi.
79-daqiqa. Romelu Lukakuga yo'llangan to'p Mayk Menyanning qo'llariga borib tushdi.
77-daqiqa. Ogohlantirish! Ushbu holat bo'yicha noroziligini yashirib o'tirmagani uchun mehmonlar ustozi Domeniko Tedeskoga ham sariq.
76-daqiqa. Ogohlantirish! Yan Vertongen ogohlantirildi!
74-daqiqa. Standartda hujumga kelgan Vilyam Saliba jarima maydonchasi ichida Dokuni aldadi va zarba berdi, lekin to'p ustun yonidan o'tib ketdi.
74-daqiqa. Grizmann yana bir bor burchak zarbasini amalga oshiradi.
73-daqiqa. Franciya to'pni yon chiziqdan o'yinga kiritadi.
72-daqiqa. Hakam o'yinni to'xtatib bir-biri bilan kelisha olmayotgan Mbappe va Vertongenni yoniga chaqirdi hamda ko'p gapirmay, futbol o'ynash kerakligini eslatib qo'ydi.
69-daqiqa. Yana Tchuamenini zarba uchun qulay vaziyatga chiqarishdi, Orelen o'ta kuchli zarba bilan to'pni darvoza tomon yo'lladi, biroq... Bu safar ham noaniq.
65-daqiqa. Grizmann qulay nuqtadan zarba yo'lladi, biroq uning urinishi ko'ngildagidek chiqmadi.
63-daqiqa. O'zgarish! Endi Belgiya safida futbolchi almashtirilmoqda. Loi Openda o'rniga Orel Mangala o'yinga qo'shildi.
62-daqiqa. O'zgarish! Markus Tyuram o'rnini Randal Kolo-Muaniga bo'shatib berdi.
61-daqiqa. Teo Ernandes seyvga teng "podkat" bilan to'pni raqib oyoqlari ostidan tepib yubordi. Francuzlar xuddi gol urgandek xursandchilik qilishdi.
59-daqiqa. Belgiya maydon markazida to'pni o'z nazoratida ushlab turibdi.
56-daqiqa. O'ziga xos kombinaciyadan keyin Kilian jarima maydonchasi markazida to'pga zarba berishni uddaladi, ammo uning urinishi qovushmadi.
54-daqiqa. Mbappe qanotdan markazga o'tib bordi va zarba yo'lladi, biroq to'p darvozadan yuqorilab o'tib ketdi.
52-daqiqa. Franciyaning navbatdagi urinishi besamar ketdi. Kastels faollik ko'rsatib to'pni egallab oldi.
50-daqiqa. Burchak zarbasidan francuzlar naf chiqara olishmadi, keyin esa Openda Teo Ernandesga nisbatan fol ishlatdi.
49-daqiqa. Orelen Tchuamenining xavfli zarbasini Kun Kastels qiyinchilik bilan bo'lsada, qaytarishga muvaffaq bo'ldi.
48-daqiqa. Belgiyaning hujumi oxiriga etmay qoldi. Qanotdan uzatilgan to'pni darvozaga yo'llaydigan futbolchi topilmadi.
46-daqiqa. Ikkinchi bo'lim boshlandi! Uni Belgiya futbolchilari boshlashdi.
45+2-daqiqa. Hakam birinchi bo'lim yakunlanini bildiruvchi hushtagini chaldi. Tanaffus!
45+1-daqiqa. Mbappening faolligidan keyin to'p jarima maydonchasiga kiraverishdagi Tchuameniga borib tushdi, Orelen to'pni to'xtatmay kuchli zarba berdi, biroq zarba qanchalik kuchli bo'lsa, shunchalik noaniq chiqdi.
45-daqiqa. Birinchi bo'limning asosiy vaqtiga 1 daqiqa qo'shib berildi.
45-daqiqa. Vaut Fas raqibini oldinga o'tib ketishiga yo'l qo'ymadi. Teo jamoasi uchun burchak zarbasi ishlab berdi.
42-daqiqa. To'pni olib qo'ygan Belgiya tezkor qarshi hujumga o'tib ketishi mumkin edi, ammo Upamekano uzatma yo'liga to'g'anoq bo'ldi.
41-daqiqa. Franciya to'pni nazorat qilmoqda.
39-daqiqa. Orelen Tchuameni uzoqdan kuchli zarba berdi, lekin uning urinishi ham mo'ljalga aniq etib bormadi.
37-daqiqa. Belgiya raqibning navbatdagi hujumini qaytardi.
34-daqiqa. Markus Tyuramning bosh bilan bergan zarbasidan keyin to'p darvozaning yonidan o'tib ketdi.
Ernandes sheriklaridan uzr so'ramoqda.
32-daqiqa. Teo Ernandesning uzatmasi zarbaga aylanib ketdi, lekin bu safar ham to'p darvozaga borishni istamadi.
28-daqiqa. Belgiyaning hujumi xavfli tus olishi mumkin edi, lekin Kevin De Bryuyneni sherigi tushunmadi.
25-daqiqa. Ogohlantirish! Dokuga nisbatan fol uchun Rabo ogohlantirildi.
23-daqiqa. Ogohlantirish! Bu safar Antuan Grizmann ko'z o'ngida sariq kartochka baland ko'tarildi.
20-daqiqa. Belgiyaning hujumi o'ng qanotdan rivojlantirildi va to'p jarima maydonchasiga yo'llandi, ammo Jyul Kunde o'ta sovuqqonlik bilan to'pni boshi bilan Menyanga tashlab berdi.
18-daqiqa. Grizmannning burchakdan uzatmasidan keyin Tyuram zarba berdi, lekin to'p darvozadan ancha yuqorilab o'tib ketdi.
14-daqiqa. Ogohlantirish! Hakamga etiroz bildirgani uchun Orelen Tchuameniga sariq kartochka ko'rsatildi.
14-daqiqa. Burchak zarbasidan keyin Kilian Mbappeda zarba uchun imkoniyat bo'ldi, ammo uning urinishiga aniqlik etishmadi.
10-daqiqa. Saliba Lukakuga qarshi ishonchli o'yin ko'rsatdi va to'pni yon chiziqdan Franciya o'yinga kiritadi.
8-daqiqa. Franciya to'pni o'z nazoratida ushlab turibdi.
6-daqiqa. Mayk Menyan oldinroqqa chiqib Opendaga imkon qoldirmadi.
4-daqiqa. Amadu Onana "podkat"da to'pni jamoasiga olib berdi.
3-daqiqa. Dayot Upamekano xavfni bartaraf etdi.
1-daqiqa. O'yin boshlandi!
Evro-2024
1/8 final
Franciya – Belgiya
"Merkur SHpil-Arena" stadioni
Franciya – Menyan, Kunde, Upamekano, Saliba, Ernandes, Kante, Rabo, Tchuameni, Grizmann, Tyuram, Mbappe.
Belgiya – Kastels, Kastan, Vertongen, Fas, Teate, Karrasko, de Bryuyne, Onana, Doku, Lukaku, Openda.
 France Jan Vertonghen - 85' | EURO Final Stage . 1/8-tur 01/07/2024, 21:00 0 : 1 Tugadi |  Belgium |
Stadion: Duesseldorf Arena
Bosh hakam: Glenn Nyberg
Bosh sahifaga
431